ملک کے بیشتر علاقوں میں گرج چمک کے ساتھ بارش کی پیشگوئی

(24نیوز) جنوب مشرقی سندھ، مشرقی بلو چستان، شمال /مشرقی پنجاب ، خطۂ پوٹھوہا، کشمیر اور خیبر پختونحوا میں آندھی اور گرج چمک کے ساتھ بارش اور چند مقامات پر ژالہ باری/موسلادھار بارش کا امکان۔ جنوب مشرقی سندھ میں شدید آندھی/ اور گرج چمک کے ساتھ طوفانی بارش متوقع ۔ ملک کے میدانی اضلاع میں جھکڑ/آندھی چلنے کا امکان ہے۔

محکمہ موسمیات کے مطابق پنجاب، خیبرپختونخوا، بلوچستان، گلگت بلتستان کے بیشتر اضلاع میں موسم گرم اور جزوی ابر آلود رہے گا۔   

اسلام آباد، کشمیر میں مطلع جزوی ابر آلود اور گرج چمک کے ساتھ بارش کی توقع ہے۔ 

دیر، مالاکنڈ، کوہستان، کرم، ایبٹ آباد، مانسہرہ، بالاکوٹ، پشاور، کوہاٹ، بنوں کرک، وزیرستان، ڈی آئی خان اور گرد ونواح میں آندھی جبکہ چند مقامات پر موسلا دھار بارش ژالہ باری کا امکان ہے۔

مری، گلیات، خطۂ پوٹھوہار، نارووال، سیالکوٹ، گوجرانوالہ، لاہور، ساہیوال، اوکاڑہ، سرگودھا، میانوالی، خوشاب، نورپورتھل، منڈی بہاؤالدین، فیصل آباد، حافظ آباد، قصور میں بھی آندھی گرد آلود ہوائیں چلنے اور گرج چمک کے ساتھ بارش کی توقع ہے۔ 

لیہ، بھکر، ملتان، ڈیرہ غازی خان، راجن پور، بہاولپور، بہاولنگر اور رحیم یار خان میں آندھی گرد آلود ہوائیں چلنے اور گرج چمک کے ساتھ بارش کی توقع ہے جبکہ چند مقامات پر موسلا دھار بارش ژالہ باری کا امکان ہے۔

محکمہ موسمیات  کے مطابق سندھ بدین، میر پور خاص، مٹھی، سانگھڑ،خیرپور، مٹیاری، نگرپارکر،عمر کوٹ، ڈپلو اور اسلام کوٹ میں شدیدآ ندھی اور گرج چمک کے ساتھ طوفانی بارش کی توقع ہے۔

ٹھٹھہ، کراچی، حیدر آباد، سکھر ، گھوٹکی، نوشہرو فیروز، شہید بے نظیر آباد، جیکب آباد، کشمور، لاڑکانہ، قمبر شہدادکوٹ اور شکارپور میں آندھی اور گرج چمک کے ساتھ بارش کا امکان ہے۔

مزید  پڑھیں:  نوازشریف اورجہانگیرترین کی نااہلی ختم , اندر کھاتے گیم شروع , بڑا انکشاف

دوسری جانب شہر لاہور سورج کی تیز کرنوں نے شہر کا درجہ حرارت بڑھا دیا۔ تیز دھوپ کے باعث شہر میں گرمی کی شدت میں اضافہ ہوگیا۔ محکمہ موسمیات کے مطابق آئندہ 24 گھنٹوں کے دوران 5 فیصد بوندابندی کا امکان ہے۔

شہر کا موجودہ درجہ حرارت 36 ڈگری سینٹی گریڈ ریکارڈ کیا گیا۔ کم سے کم 28 ڈگری ریکارڈ جبکہ  زیادہ سے زیادہ درجہ حرارت 39 ڈگری تک جانے کا امکان ہے۔

پاکستان کے آلودہ ترین شہروں کی فہرست میں لاہور ساتویں نمبر پر آگیا ہے۔

شہر میں آلودگی کی مجموعی شرح 94 ریکارڈ،  جوہر ٹاؤن 105، فیز 8 ڈی ایچ اے میں آلودگی کی شرح 104ریکارڈ، یو ایس قونصلیٹ 99 جبکہ کینال روڈ پر آلودگی کی شرح 93ریکارڈ کی گئی۔