اکشے اور ٹوئنکل کا شادی کی سالگرہ پر انوکھا اقدام

 (24نیوز)اکشے اکمار اور ان کی اہلیہ مصنفہ ٹوئنکل کھنہ کی شادی کو 20 سال مکمل ہوئے تو دونوں نے ایک دوسرے کو خوبصورت انداز میں شادی کی سالگرہ کی مبارکباد دی۔ 
تفصیلا ت کے مطا بق پہلے ٹوئٹر پر اکشے کمار نے اپنی اہلیہ کے ساتھ اپنی خوبصورت انداز میں ایک تصویر شیئر کی، جبکہ اس کے ساتھ انھوں نے اپنی اہلیہ کے لیے پیغام بھی دیا۔ اکشے نے لکھا کہ میں اس ساتھ سے متعلق بہت پرامید ہوں، اس ساتھ کو 20 سال گزر گئے اور آپ آج بھی میرے دل کو جھومنے پر مجبور کردیتی ہیں۔ساتھ میں اکشے نے لکھا کہ آپ نے کبھی کبھار مجھے ناراض بھی کیا، لیکن اس کے باوجود میرے پاس دوسرا راستہ کوئی نہیں، کیونکہ جب آپ پاس ہوتی ہیں تو ہنسی بھی قریب ہوتی ہے۔

The surest I’ve ever been of a partnership...twenty years of togetherness and you still make my heart flutter and sometimes even drive me up the wall but then again I wouldn’t have it any other way coz a smile is never far when you are near ♥️ Happy anniversary Tina ???? pic.twitter.com/zUjTbaYqtM

— Akshay Kumar (@akshaykumar) January 17, 2021

اکشے کمار نے اپنی اہلیہ کو ٹینا کہہ کر مخاطب کیا اور انھیں اپنی شادی کی سالگرہ کی مبارکباد بھی دی۔ بالی ووڈ کے کھلاڑی کے بعد ان کی اہلیہ نے اسی تصویر کے ساتھ اپنے شوہر کو انسٹاگرام پر اپنے پیغام کے ذریعے مبارکباد دی۔