بالی وڈ اداکار دھرمیندرا کا صوفی کردار نبھانے کا انکشاف 

(24نیوز) بالی وڈ کے سینئر اداکار دھرمیندرا نے فلم تاج میں صوفی بزرگ شیخ سلیم چشتی کا کردار نبھانے کا انکشاف کیا ہے۔ 

کئی عرصے سے اسکرین سے دور بالی وڈ کے سینئر اداکار دھرمیندرا نے فلم تاج میں صوفی بزرگ شیخ سلیم چشتی کا کردار نبھانے کا انکشاف کیا ہے۔

دھرمیندرا نے انسٹاگرام اکاؤنٹ پر اپنی ایک صوفیانہ ڈھب میں لی گئی تصویر شیئر کی جس میں انہیں  مہرون رنگ کا جبہ ، سفید دستار اور داڑھی رکھے دیکھا گیا۔

Friends, i am playing Shaikh Slim Chishti ….a sufi saint, in film Taaj. A small but an important role………need your good wishes ???? pic.twitter.com/IQpAoaS67y

— Dharmendra Deol (@aapkadharam) February 15, 2023

تصویر کے ساتھ کیپش میں دھرمیندرا نے لکھاکہ دوستوں میں فلم تاج میں صوفی بزرگ سلیم چشتی کاکردار نبھارہا ہوں، یہ ایک چھوٹا لیکن اہم کردار ہے جس کیلئے آپ کی نیک خواہشات کی ضرورت ہے۔

اس پوسٹ پر جہاں دھرمیندرا کے نئے انداز کو سوشل میڈیا صارفین کی جانب سے سراہا گیا وہیں ایک صارف نے پوچھا یہ کیوں ایک محنتی اداکار کی طرح برتاؤ کررہے ہیں؟

اس کے جواب میں دھرمیندر انے صارف کو بتایا کہ زندگی میں آپ اور مجھ سمیت ہر انسان جدوجہد کررہا ہے، آرام کا مطلب آپ کے خوابوں کا اور آپ کے خوبصورت سفر کا خاتمہ ہے۔

Sorry for misspelled…. it is Salim Chishti……????

— Dharmendra Deol (@aapkadharam) February 15, 2023

دوسری جانب ایک صارف نے اداکار کی تصیح کرتے ہوئے بتایا کہ صوفی بزرگ کا نام سالم نہیں سلیم چشتی ہے جس کے بعد  دھرمیندرا نے معذرت کرتے ہوئے تصحیحی ٹوئٹ بھی جاری کی۔