لباس کی وجہ سے تنقید کا نشانہ بننے والی اداکارہ انوشے عباسی کے انسٹا گرام پر چرچے

Jul 16, 2021 | 20:47:PM
لباس کی وجہ سے تنقید کا نشانہ بننے والی اداکارہ انوشے عباسی کے انسٹا گرام پر چرچے

(ویب ڈیسک)پاکستان کی معروف اداکارہ انوشے عباسی کی جانب سے اپنی نئی تصویریں شیئر کی گئی ہیں جن پر ان کی خوب تعریفیں ہو رہی ہیں۔

انوشے عباسی کئی سپر ہٹ ڈراموں میں اپنی اداکاری سے شائقین کو متاثر کر چکی ہیں، جب سے انوشے عباسی نے اپنا وزن کم کیا ہے ان کی میڈیا انڈسٹری میں پروجیکٹ کی تعداد بھی کافی بڑھ گئی ہے۔

انوشے عباس کی جانب سے اپنے انسٹا گرام اکاؤنٹ پر دو تصویریں شیئر کی گئی ہیں جن میں وہ نہایت سادہ اور خوشگوار موڈ میں نظر آ رہی ہیں۔

دونوں تصویروں میں سے انوشے عباسی کی جانب سے اپنے مداحوں سے زیادہ اچھی تصویر کے انتخاب کا بھی کہا گیا ہے۔

انوشے عباسی کی ان تصویروں پر انسٹاصارفین کی جانب سے خوب لائیکس اور تعریفی کمنٹس کئے جا رہے ہیں جبکہ معروف اداکارہ حرا مانی بھی انوشے عباسی کی ان تصویروں کی تعریف کئے بنا نہیں رہ سکی ہیں۔

انوشے عباسی کی تصویروں پر حرامانی نے کمنٹ کرتے ہوئے لکھا ہے کہ ’ہائے میں صدقے،‘ جس کے جواب میں انوشے عباسی نے بھی محبت بھرا کمنٹ کرتے ہوئے لکھا ہے کہ ’آپ جانتی ہیں میں آپ سے کتنا پیار کرتی ہوں۔‘

یاد رہے کہ چند روز قبل اداکارہ انوشے عباسی کی جانب سے چست لباس میں اپنی تصاویر سوشل میڈیا پر شیئر کی گئیں تھیں جس پر صارفین نے انہیں آڑے ہاتھوں لیتے ہوئے خوب تنقید کا نشانہ بنایا تھا۔

یہ بھی پڑھیں: سوشل میڈیا صارفین کی شدید تنقید : اداکارہ عفت عمر نے اپنی غلطی تسلیم کرلی