سوات اورگردونواح میں زلزلے کے جھٹکے  

(24نیوز)سوات اورگردونواح میں زلزلے کے جھٹکے  محسوس کئے گئے۔

تفصیلات کے مطابق سوات اور گردونواح کا علاقہ زلزلے سے لرز اٹھا،مالاکنڈ،بٹ خیلہ شہر اور گردونواح میں بھی زلزلے کے جھٹکے محسوس کئے گئے، زلزلہ پیما مرکز کے مطابق ریکٹر سکیل پر زلزلے کی شدت 4.8ریکارڈ کی گئی،زلزلے کی زیرزمین گہرائی 185کلو میٹر تھی جبکہ زلزلے کا مرکز ہندوکش کا پہاڑی سلسلہ تھا۔

زلزلے کے جھٹکے محسوس ہونے پر لوگوں میں خوف و ہراس پھیل گیا اور کلمہ طیبہ کا ورد کرتے ہوئے گھروں اور دکانوں سے باہر نکل آئے، زلزلے سے کسی قسم کے جانی یا مالی نقصان کی اطلاع موصول نہیں ہوئی۔