پریانکا چوپڑا کے پیغام پر عدنان صدیقی بھی بول پڑے

(ویب ڈیسک) عدنان صدیقی نے شرمین عبید چنائے کو ایشیائی خاتون کہنے والے پریانکا چوپڑا کو تنقید کا نشانہ بنا دیا۔

گزشتہ ہفتے پاکستانی ہدائتکار شرمین عبید چنائے کو ہالی ووڈ کی مشہور سیریز سٹار وارز کی ہدایتکار منتخب ہوئیں جس پر بھارتی اداکارہ پریانکا چوپڑا نے سماجی رابطوں کی ویب سائٹ ٹوئٹر پر مبارکباد دیتے ہوئے کہنا تھا کہ شرمین عبید چنائے پہلی جنوبی ایشیائی خاتون ہیں جو سٹار وارز فلم کی ہدایت کار کے طور پر منتخب ہوئیں ہیں۔ 

یہ بھی پڑھیں: ٹام کروز کی مشن امپوسیبل 7 میں کام کرنے کی پیشکش کس اداکار نے ٹھکرائی؟ انکشاف ہو گیا

پریانکا چوپڑا کے اس مبارکبادیہ پیغام پر سینئر پاکستانی اداکار عدنان صدیقی نے اپنے ٹوئٹ میں بھارت سے تعلق رکھنے والی بالی ووڈ اور ہالی ووڈ اداکارہ پریانکا چوپڑا کو منیشن کرتے ہوئے کہا کہ ’احترام کے ساتھ آپ کی معلومات میں اضافہ کر دوں کہ شرمین عبید چنائے جنوبی ایشیائی خاتون ہونے سے پہلے پاکستانی ہیں بالکل اسی طرح جس طرح آپ کو جب موقع ملتا ہے تو آپ جنوبی ایشیائی ہونے سے پہلے بھارتی ہونے کا دعویٰ کرتے ہیں اور اپنی قومیت کا اظہار کرتے ہیں‘۔

With due respect, @priyankachopra . Sharmeen Obaid Chinoy is a Pakistani first just to brush up your knowledge. Much like the way you flaunt your Indian nationality whenever you get the opportunity before claiming to be a South Asian.???????? pic.twitter.com/B7wy8gD8QB

— Adnan Siddiqui (@adnanactor) April 14, 2023

واضح رہے کہ آسکر ایورڈ یافتہ پاکستانی فلم ساز شرمین عبید چنائے نے بتایا کہ ہالی ووڈ کی مشہور سیریز سٹار وارز کی فلم ڈائریکٹر منتخب ہوئی ہیں۔