بیوی نے سٹوڈنٹس کے سامنے پروفیسر کی چھترول کردی

(ویب ڈیسک)بھارت میں ایک یونیورسٹی پروفیسر کی کیمپس میں بیوی کے ہاتھوں جوتی سے پٹائی کی ویڈیو انٹرنیٹ پر وائرل ہو گئی۔

تفصیلات کے مطابق یہ واقعہ ریاست اوڑیسا کی برہمپور یونیورسٹی میں پیش آیا۔ انیل کمار تیریا نامی یہ شخص انگلش ڈیپارٹمنٹ میں ایسوسی ایٹ پروفیسر ہے، جس کی اہلیہ گزشتہ دنوں کیمپس گئی اوراس کے چیمبر میں ہی اسے اپنی چپل سے تشدد کا نشانہ بناڈالا۔

رپورٹ کے مطابق خاتون اچانک پروفیسر صاحب کے چیمبر میں داخل ہوئی اور اندر سے کنڈی لگا کر انہیں پیٹنا شروع کر دیا۔ اس دوران کسی طالب علم نے کھڑکی سے اس واقعے کی ویڈیو بنائی اور انٹرنیٹ پر پوسٹ کر دی۔ دیگر لوگوں نے کھڑکی سے ہی خاتون سے دروازہ کھولنے کی درخواست کی۔

ضرور پڑھیں : تقسیم ہند سے بچھڑے بہن بھائی مل گئے

جب لوگوں نے دیکھا کہ وہ دروازہ نہیں کھول رہی اور پروفیسر صاحب کو مسلسل پیٹے جا رہی ہے تو انہوں نے سکیورٹی کو بلا لیا، جن کے آنے پر خاتون نے دروازہ کھول دیا۔یہ معلوم نہیں ہو سکا کہ خاتون نے اپنے شوہر کے ساتھ یہ سلوک کیوں کیا۔