بابر اعظم کی سنچری کے با وجودانگلینڈ نےشا ہینوں کو 3 ایک روزہ میچز کی سیریز میں وا ئٹ وا ش کر دیا
Stay tuned with 24 News HD Android App
(24نیوز)انگلینڈ نے پاکستان کو 3 ایک روزہ میچز کی سیریز میں وائٹ واش کرکے تینوں میچز جیتنے کے ساتھ سا تھ سیریز بھی جیت لی ہے ۔
تفصیلات کے مطا بق برمنگھم میں کھیلے گئے میچ میں انگلش ٹیم کے کپتان بین اسٹوکس نے ٹاس جیت کر گرین شرٹس کو پہلے بیٹنگ کی دعوت دی۔پاکستان کی جانب سے اننگز کا آغاز اچھا نہیں رہا اور اوپنر فخر زمان 6 رنز بناکر آؤٹ ہوگئے لیکن دوسری وکٹ پر امام الحق اور بابر اعظم نے 92 رنز کی شراکت بنائی۔امام 56 رنز بناکر پویلین لوٹے پھر وکٹ کیپر محمد رضوان کپتان بابر اعظم کے ساتھ کریز پر ڈٹ گئے اور دونوں نے انگلش بولرز کی خوب دھنائی کی۔پہلے بابر اعظم نے کیریئر کی14 ویں سنچری مکمل کی پھر رضوان نے بھی8 چوکوں کی مدد سے نصف سنچری بنائی۔
بابر اعظم اور محمد رضوان کی شاندار بیٹنگ کی بدولت پاکستان نے مقررہ 50 اوورز میں 9 وکٹوں کے نقصان پر 331 رنز بنائے۔گرین شرٹس کی جانب سے بابراعظم نے 158 اور محمد رضوان 74 رنز بناکر نمایاں رہے۔ انگلینڈ کی جانب سے برائیڈن کارس نے 5 اور ثاقب محمود نے 3 کھلاڑیوں کو آؤٹ کیا۔گرین شرٹس کے 332 رنز کے ہدف کے تعاقب میں انگلش ٹیم کا آغاز بھی مایوس کن رہا اور 53 کے مجموعی اسکور پر 2 کھلاڑی پویلین لوٹ گئے۔
انگلینڈ کی آدھی ٹیم 165 رنز پر آؤٹ ہوگئی تاہم چھٹی وکٹ پر جیمز ونس اور لیوئس گریگوری نے ذمہ دارانہ کھیل پیش کیا اور ٹیم کی جیت میں اہم کردار ادا کیا۔جیمز ونس اور لیوئس گریگوری کی شاندار بیٹنگ کی بدولت انگلش ٹیم نے 7 وکٹوں کے نقصان پر ہدف حاصل کرلیا اور یوں اسے 3 وکٹوں سے کامیابی حاصل ہوئی۔اس کامیابی کے ساتھ انگلش ٹیم نے 3 ایک روزہ میچز کی سیریز میں بھی وائٹ واش کردیا۔
یہ بھی پڑھیں:میٹرک کا امتحان دینے والے طلبہ کیلئے نئی مشکل کھڑی ہوگئی