بیجنگ: موسم سرما کا غیرمعمولی ریت کا طوفان

(ویب ڈیسک) چین کے دارالحکومت بیجنگ اور ملک کے شمالی علاقے موسم سرما کے غیر معمولی ریت کے طوفان کی زد میں آگئے، بیجنگ میں ہوا کے معیار کا انڈیکس خطرناک حد سے تجاوز کرگیا۔

گزشتہ روز صبح میں بیجنگ کی فضا کو مٹی اور دھول کے گہرے غبار نے اپنی لپیٹ میں لے لیا جس سے شہر میں ہوا کے معیار کا انڈیکس نو سو نناوے تک جا پہنچا جو عالمی ادارہ صحت کی مقررکردہ گائیڈ لائن سے دس گنا زیادہ ہے۔

یہ بھی پڑھیے: سعودی عرب کے مختلف شہروں میں موسلادھار بارش، شاہراہیں زیر آب

منگولیا سے شروع ہونے والے ریت کے طوفان نے بیجنگ، سنکیانگ، ہیبائی، شانزی اور گانسو صوبوں کو بھی متاثر کیا، ریت کا طوفان منگل تک جاری رہنے کی توقع ہے۔

 بیجنگ میں موسم سرما میں آخری بار ریت کا طوفان 2015 میں آیا تھا۔