حریم شاہ کا سستے پلاٹ کا اعلان، سوشل میڈیا صارفین بھڑک اٹھے

(ویب ڈیسک) معروف ٹک ٹاکر حریم شاہ کی جانب سے  4 مرلہ پلاٹ صرف 3 لاکھ میں فراہم کیا جانے کے اعلان پر سوشل میڈیا صارفین بھڑک اٹھے۔

ٹوئٹر پر حریم شاہ نے ایک نجی ویب سائٹ سے لیا گیا اسکرین شاٹ شیئر کرتے ہوئے واضح کیا کہ عوام کو 4 مرلہ پلاٹ صرف 3 لاکھ میں فراہم کیا جائے گا، اس اعلان کے ساتھ حریم شاہ نے صارفین سے سوال کیا کہ یہ پلاٹ کس کس کو چاہیے؟

عوام کو 4 مرلہ پلاٹ صرف تین لاکھ میں فراہم کیا جائے گا۔
کس کس کو سستے پلاٹس چاہیے ؟؟ pic.twitter.com/uaEvvJa5tM

— Hareem Shah (@_Hareem_Shah) July 11, 2023

اس پوسٹ پر جہاں کچھ صارفین نے حریم کی حوصلہ افزائی کی وہیں متعدد صارفین نے حریم کی ٹوئٹ کو سستی شہرت قرار دے دیا۔ صارفین کا حریم شاہ کے اعلان کو فراڈ قرار دیتے ہوئے کہنا ہے کہ آپ کا پلاٹ بھی آپ کی طرح فراڈ ہوسکتا ہے ایک پلاٹ پر کئی لوگ منڈلاتے ہوں گے۔ 

ایک صارف نے حریم کی ٹوئٹ کو ری شیئر کرتے ہوئے حریم کو وزیراعظم کہتے ہوئے مخاطب کرتے ہوئے لکھا کہ وزیراعظم صاحب مجھے ایک پلاٹ قرض پر چاہیے۔ وہی دوسرے صارف نے حریم کی ٹوئٹ کو مضحکہ خیز لیتے ہوئے ردعمل دیا کہ 3 لاکھ میں تو قربانی کا جانور نہیں آتا پلاٹ کہاں سے آئیگا۔