جوئے بینجمن انگلش فاسٹ بالر انتقال کر گئے

 (24نیوز)انگلش ٹیم کے سابق فاسٹ بالر جوئےبینجمن 60 برس کی عمر میں انتقال کر گئے۔

برطانوی میڈیا کے مطابق جوئے بینجمن نے انگلینڈ کی جانب سے واحد ٹیسٹ میچ 1994 میں جنوبی افریقا کے خلاف کھیلا تھا۔جوئے بن یامین نے اپنے ڈیبیو ٹیسٹ کی پہلی اننگز میں 42 رنز دے کر 4 وکٹیں حاصل کی تھیں۔اس کے علاوہ جوئے  بینجمن نے انگلش ٹیم کی جانب سے دو ایک روزہ میچز بھی کھیلے تھے اور وہ واروک شائر کی جانب سے کاؤنٹی کرکٹ بھی کھیل چکے تھے۔

واضح رہے کہ انگلش کرکٹ بورڈ نے بھی جوئے بینجمن کے انتقال کی تصدیق کرتے ہوئے سابق ٹیسٹ کرکٹ کے اہلخانہ اور دوستوں سےاظہار تعزیت کیا ہے۔جوئے بینجمن نے فرسٹ کلاس کرکٹ میں 378 جبکہ لسٹ اے کرکٹ میں 173 وکٹیں حاصل کیں۔