امریکی پاپ سٹارریحانہ کیا خوشخبری دینے والی ہیں ؟ ، مداحوں کو شدت سے انتظار 

(مانیٹڑنگ ڈیسک)ویسٹ انڈیز کے کھلاڑیوں  کی دوست مشہور امریکی پاپ سٹارریحانہ کی ان دنوں بہت سی تصویریں وائرل ہو رہی ہیں، جلد ہی وہ اپنے مداحوں کو خوشخبری دینے والی ہیں۔ نئی تصاویر  میں ریحانہ نے اپنے بوائے فرینڈ ریپر ایس ایس پی راکی ​​کے ساتھ زبردست پوز دیا۔ 
بھارتی نجی ٹی وی کی رپورٹ کے مطابق  ریحانہ  جلد ہی خوشخبری دینے والی ہیں۔ حاملہ پاپ سٹار جلد ہی اپنے بوائے فرینڈ اور ریپر ایس ایس پی راکی ​​کے ساتھ نئے مہمان کا شاندار استقبال کریں گی۔ریحانہ اور ریپر راکی  ​ان دنوں اپنے پہلے بچے کے لیے کافی پرجوش ہیں۔ حال ہی میں وائرل ہونے والی تصویر میں سنگر نے ٹائیٹ جیگنگز کے ساتھ فرنٹ بلیک ٹاپ پہنا ہوا ہے۔ اس کے ساتھ ریحانہ نے کالی ٹوپی پہن رکھی ہے۔ 

واضح رہے کہ پاپ سٹار ریحانہ نے بھارت میں گزشتہ سال کسانوں کے مظاہروں کے دوران ٹویٹ کرنے کے بعد میڈیا میں کافی چھائی رہیں۔ ریحانہ نے کسانوں  کی حمایت میں ٹویٹ کیا تھا جس کے بعد کئی شخصیات نے ان کی تعریف کی تو انہیں بہت ساری تنقید کا سامنا بھی کرنا پڑ ا تھا۔ اس کے علاوہ ریحانہ اور کرکٹ کا رشتہ پرانا ہے۔پاپ سٹار ریحانہ ویسٹ انڈیز کے کرکٹر کریگ بریتھ ویٹ اور کارلوس بریتھ ویٹ کی کلاس میٹ رہ چکی ہیں۔ آئی سی سی ون ڈے عالمی کپ 2019 کے دوران سری لنکا کے خلاف ایک میچ کے دوران ریحانہ ویسٹ انڈیز کی ٹیم کی حمایت کرنے سٹیڈیم پہنچی تھی۔  ریحانہ اور کارلوس بریتھ ویٹ کلاس میٹ رہ چکے ہیں۔ ان دونوں نے پہلی جماعت سے لے کر چار جماعت تک ایک ساتھ پڑھائی کی ہے۔عالمی کپ کے دوران ریحانہ کارلوس بریتھ ویٹ کو چیئر کرتے ہوئے بھی نظر آئی تھیں۔

ریحانہ ویسٹ انڈیز کے ٹیسٹ اوپنر کریگ بریتھ ویٹ کی سکول میٹ بھی رہی ہیں۔سکول کے دنوں میں ان ددونوں کے ڈیٹنگ کی خبریں بھی تھیں۔ریحانہ ان شیطان طلبا کی پٹائی بھی کرتی تھیں، جو کریگ بریتھ ویٹ کو پریشان کرتے تھے۔ریحانہ کی پیدائش 20 فروری 1988 کو بارباڈوس کے سینٹ مائیکل میں ہوئی۔ ان کا اصلی نام رابن ریحانہ فینٹی ہے۔ مشہور امریکی پاپ سنگر ریحانہ کورونا وائرس سے نمٹنے کے لئے اب تک کروڑوں روپئے عطیہ کرچکی ہیں۔ ریحانہ گھریلو تشدد کے شکار لوگوں کی مدد بھی کرتی ہیں۔ ریحانہ کی نیٹ ورتھ 60 کروڑ امریکی ڈالر یعنی تقریباً 44 ارب روپئے ہے۔ انہوں نے اب تک 9 گریمی ایوارڈ حاصل کئے ہیں۔ وہ 13 امریکی میوزک ایوارڈ، 12 بلبورڈ میوزک ایوارڈ اور 6 گنیز ورلڈ ریکارڈ جیت چکی ہیں۔

یہ بھی پڑھیں: ’دیکھا جو چہرہ تیرا‘لاکھوں فالورز والی یہ حسینہ کون ؟، کیوں اور کیسے مشہور ہوئی ، حقیقت کیا ؟