ایک اوربھارتی اداکارہ نے خودکشی کرلی

Dec 09, 2020 | 14:30:PM
ایک اوربھارتی اداکارہ نے خودکشی کرلی
Stay tuned with 24 News HD Android App
Get it on Google Play

(24نیوز)اٹھائیس سالہ تامل  اداکارہ چترا  کامراج نے بھارتی شہر چنئی میں خود کشی کر لی۔بھارتی میڈیا کی اطلاعات کے مطابق چترا کامراج گزشتہ رات  ڈھائی بجے کے قریب شوٹنگ کے بعد اپنے ہوٹل کے کمرے میں آئیں اور آدھے سے ایک گھنٹے کے اندر اندر گلے میں پھندا لگاکر خودکشی کر لی۔

  

تفصیلات کے مطابق اداکارہ چترا کامراج کے ساتھ ہوٹل میں مقیم ان کے منگیتر  اور بزنس مین ہیمنتھ چترا کی پراسرار موت سے متعلق پولیس کو دیے گئے بیان میں بتایا کہ چترا شوٹنگ سے واپس آتے ہی نہانے گئیں اور جب وہ بہت دیر تک باہر نہ آئیں تو دروازے پر دی جانے والی دستک کا کوئی جواب نہ آیا جس پر ہیمنتھ نے ہوٹل انتظامیہ کو دروازے کی ڈپلیکیٹ چابی سے دروازہ کھولنے کو کہا اور جب ہوٹل انتظامیہ کے ساتھ کمرے میں داخل ہوئے تو چترا کامراج کمرے میں مردہ حالت میں پائی گئیں۔

پولیس کی جانب سے فی الحال تحقیقات کا سلسلہ جاری ہے اور اداکارہ کی موت سے متعلق کوئی باضابطہ بیان جاری نہیں کیا گیا ہے۔دوسری جانب  خودکشی سے قبل چترا نے انسٹاگرام پر اپنی ایک خوبصورت تصویر شیئر کی تھی اور پھر کچھ ہی دیر بعد اداکارہ وی جے چترا کی پراسرار موت نے ان کے چاہنے والوں کو حیرت میں مبتلا کر دیا ہے۔