امریکا کے اوپرمنڈلاتا ایک اور چینی خلائی غبارہ؟

(ویب ڈیسک) امریکا کے اوپر ایک اور چینی خلائی غبارے کی منڈلانے کی خبریں سوشل میڈیا پر موضوعِ بحث بنی ہوئیں ہیں۔ 

تفصیلات کے مطابق کچھ روز پہلے امریکا نے اپنی فضائی حدود میں میڈلاتے ہوئے چینی خلائی غبارے کو مار گرایا تھا۔ سوشل میڈیا پر ایک بار پھر امریکا کی فضائی حدود میں ایک اور چینی خلائی غبارے کی گردش کی خبریں گردش کرنے لگی ہیں۔ 

مزید پڑھیں: جسے اللہ رکھے اسے کون چکھے، 40 گھنٹوں تک ملبے تلے دبا خاندان زندہ رہا

لیکن حقیقت سوشل میڈیا پر گردش کرنے والی ان خبروں کے برعکس ہے۔ امریکا کی فضائی حدود میں منڈلاتا ہوا خلائی غبارہ دراصل امریکا کی جانب سے ہی چھوڑا گیا ہے۔ یہ ایک موسمیاتی غبارہ ہے جو کہ موسم کے بارے میں پیشنگوئیاں کرنے میں مددگار ہوتا ہے۔ موسم کیسے رہے گا، بارش کب اور کتنی ہو گی، گرمی اور سردی کی شدت کیا ہو گی اور ہوا آسمان میں ہونی والی تبدیلیاں زمینی موسم پر کس طرح اثر انداز ہوں گی ان جیسے سوالات کا جواب تلاش کرنے میں یہ خلائی غبارہ مددگار ثابت ہو گا۔ 

Another Chinese balloon over the USA? ????????

No, it's an American weather balloon launch near Sioux Falls.
https://t.co/aFnSTFwdjX pic.twitter.com/uTRLd2WgKR

— Flightradar24 (@flightradar24) February 8, 2023

واضح رہے کہ کچھ روز پہلے امریکا دفتر خارجہ کی ترجمان نے میڈیا کو بتایا کہ امریکی صدر جو بائیڈن کو اطلاعات موصول ہوئیں کہ ایک چینی خلائی غبارہ امریکا کہ فضائی حدود میں منڈلا رہا ہے جس پرامریکی صدر کی ہدایات کے مطابق سکیورٹی اداروں نے فوجی آپریشن کر کے اس چینی غبارے کو  مار گرایا تھا۔ سماجی رابطوں کی ویب سائٹ ٹویٹر پر فلائٹ ٹریڈ 24 کی طرف سے کی جانے والی ایک ٹویٹ نے اس حقیقت سے پردہ اٹھایا ہے۔