سونے کی قیمتوں میں کمی کا سلسلہ جاری

( 24 نیوز)پاکستان اور عالمی منڈی میں سونے کی قیمتوں میں کمی کا سلسلہ جاری ہے۔

آل پاکستان صرافہ ایسوسی ایشن کے مطابق 24 کیرٹ فی تولہ سونا 2500 روپے سستا ہو کر434936 روپے کا ہوگیا،دس گرام سونے کی قیمت 2143 روپے کم ہو کر 372887 روپے ہوگئی۔

فی تولہ چاندی کی قیمت 120 روپے کم ہوکر 6559 روپے ہوگئی،دوسری جانب انٹرنیشنل مارکیٹ میں 25 ڈالر سستا ہوکر فی اونس سونا 4125 ڈالر پرآگیا۔

یہ بھی پڑھیں:2 ہزار سال پرانا خزانہ مل گیا! سونے کی انگوٹھیوں نے تاریخ کا راز کھول دیا

اس سے قبل عالمی منڈی میں سونے کی قیمتوں میں منگل کے روز معمولی کمی دیکھی گئی، جبکہ سرمایہ کار امریکی فیڈرل ریزرو کے جون کے اجلاس کے منٹس کے اجرا کے منتظر ہیں، جن سے آئندہ شرحِ سود کے بارے میں اہم اشارے ملنے کی توقع ہے۔

 اسپاٹ گولڈ کی قیمت 0.6 فیصد کمی کے بعد 4,138.32 ڈالر فی اونس رہی، جبکہ اگست کے لیے امریکی گولڈ فیوچرز 0.4 فیصد گر کر 4,149.90 ڈالر فی اونس پر آ گئے۔

 مارکیٹ تجزیہ کاروں کے مطابق سونے کی قیمت اس وقت فیڈ کی آئندہ پالیسی سے متعلق غیر یقینی صورتحال کے باعث دباؤ میں ہے، سرمایہ کار یہ جاننا چاہتے ہیں کہ امریکی مرکزی بینک آئندہ مہینوں میں شرحِ سود بڑھائے گا یا موجودہ پالیسی برقرار رکھے گا۔

 گزشتہ ہفتے کمزور امریکی روزگار کے اعداد و شمار کے بعد شرحِ سود میں اضافے کی توقعات میں کچھ کمی آئی ہے، تاہم مارکیٹ اب بھی ستمبر میں شرحِ سود بڑھنے کا تقریباً 56 فیصد امکان ظاہر کر رہی ہے۔