راولپنڈی : کم سن بچی کا قتل، 10 سالہ کزن گرفتار

(24 نیوز)راولپنڈی میں تھانہ رتہ امرال کے علاقے سے ایک دلخراش واقعہ سامنے آیا ہے جہاں کم سن بچی قتل ہوگئی۔

 پولیس کے مطابق 4 جون کو ایک سالہ بچی لاپتہ ہوگئی تھی، جس پر اغواء کا مقدمہ درج کیا گیا تھا۔ تاہم تلاش کے دوران پولیس کو بچی کی لاش نالے سے برآمد ہوئی۔

پولیس کے مطابق بچی کو اس کا 10 سالہ کزن نالے میں دھکیل کر قتل کرنے کا اعتراف کرچکا ہے۔

مزید پڑھیں:حجاب پر پابندی تعلیمی اداروں تک بڑھانے کا منصوبہ

 ملزم عمر نے پولیس کو بتایا کہ بچی اچھی نہیں لگتی تھی، اس وجہ سے اس نے بچی کو نالے میں گرایا۔

واقعے کی رپورٹ موصول ہوتے ہی پولیس نے جائے وقوعہ پر پہنچ کر شواہد اکٹھے کیے اور مزید تحقیقات کا آغاز کر دیا ہے۔

پولیس نے ملزم بچے کو چائلڈ پروٹیکشن بیورو کے حوالے کردیا ہے۔