سیلاب متاثرین کیلئے امدادی فنڈ قائم، دل کھول کرمدد کی جائے: شہباز شریف

Aug 06, 2022 | 11:04:AM
سیلاب متاثرین ,امدادی فنڈ,دل کھول,مدد , شہباز شریف, وزیراعظم , اپیل
کیپشن: وزیراعظم شہباز شریف(فائل فوٹو)
Stay tunned with 24 News HD Android App
Get it on Google Play

 (24 نیوز)وزیراعظم شہباز شریف نے سیلاب متاثرین کی مدد کیلئے امدادی فنڈ قائم کر دیا، مخیر حضرات سے بڑی اپیل کردی۔ 

تفصیلات کے مطابق  وزیراعظم شہباز شریف نے کہا ہے کہ عوام بالخصوص مخیر حضرات سے درد مندانہ اپیل کرتا ہوں کہ سیلاب کی تباہی کا شکار اہل وطن کی دل کھول کر مدد کریں،انہوں نے کہا کہ تاریخی بارشوں نے سیلاب کی صورت قیامت صغری برپا کی ہے، بلوچستان میں غیر معمولی تباہی ہوئی ہے، سندھ، خیبرپختونخوا اور پنجاب میں بے تحاشہ نقصانات ہوئے ہیں۔

حکومت نے مشکل معاشی حالات کے باوجود 5 ارب روپے سیلاب متاثرین کے لئے فوری جاری کر دئیے ہیں،سیلاب زدگان کیلئے رقوم پرائم منسٹر ریلیف فنڈ 2022 کے اکاؤنٹ نمبر ‘جی-12164’ میں جمع کرائی جاسکتی ہیں۔

وزیراعظم کا کہنا تھا کہ عوام بالخصوص مخیر حضرات سے اپیل ہے کہ مشکلات میں گھرے ان پاکستانیوں کو دوبارہ آباد کرنے میں حکومت کا ہاتھ بٹائیں، سیلاب متاثرہ بھائیوں بہنوں اور بچوں کی مدد انصار مدینہ والے جذبے سے کرنے کی ضرورت ہے، جس طرح اہل پاکستان نے 2005 کے زلزلے اور 2010 کے ملک کے سب سے بڑے سیلاب کے وقت متاثرین کی دل کھول کر مدد کرکے پوری دنیا میں ایک مثال قائم کی تھی، آج بھی اسی جذبے کی ضرورت ہے۔

وفاق نے سیلاب سے متاثرہ علاقوں میں ایمرجنسی نافذ کر دی ہے، صوبائی حکومتوں سے بھی گزارش کی ہے کہ متاثرہ علاقوں کو آفت زدہ قرار دیں تاکہ امدادی کاموں کو مزید تیز کیا جاسکے۔

یہ بھی پڑھیںنئے وزراء کو محکمے الاٹ،کس کو کیا ملا؟ بڑی خبر سامنے آ گئی