بگٹی اسٹیڈیم میں 27 برس بعد کرکٹ کی واپسی، کوئٹہ نے پشاور کو 3 رنز سے شکست دے دی

(ویب ڈیسک)کوئٹہ میں پاکستان سپر لیگ (پی ایس ایل) کے آٹھویں سیزن کے نمائشی میچ میں کوئٹہ گلیڈی ایٹرز نے  پشاور زلمی کو 3 رنز سے شکست دے دی۔

پشاور زلمی نے کوئٹہ گلیڈی ایٹرز کے 185 رنز کے دیے گئے  ہدف کے تعاقب میں   7 وکٹوں کے نقصان پر 181 رنز بنائے ، پشاور  زلمی کے کپتان بابر اعظم  18 گیندوں پر 23 رنز بنا کر آؤٹ ہوگئے۔

What a show @IftiAhmed221 has put up with the bat to take us to a fighting total! ????????
Over to the bowlers now.#PurpleForce #QGvsPZ #IftiMania pic.twitter.com/Y76DzvwJfo

— Quetta Gladiators (@TeamQuetta) February 5, 2023

کوئٹہ گلیڈی ایٹرز نے 20 اوورز میں 5 وکٹوں کےنقصان  پر 184 رنز بنائے ، افتخاراحمد  نےکوئٹہ گلیڈی ایٹرز کی طرف سے 94 رنز کی جارحانہ اننگز  کھیلی۔

Were you entertained by #IftiMania????? Tell us in the comments below????#PurpleForce #QGvsPZ pic.twitter.com/Vkh0aYjqrT

— Quetta Gladiators (@TeamQuetta) February 5, 2023

کوئٹہ گلیڈی ایٹرز  کے کپتان  سرفراز احمد 4 رنز بناکر آؤٹ ہوگئے جبکہ کوئٹہ کے افتخار  94 اور خوشدل شاہ 36 رنز بنا کر نمایاں رہے۔

افتخار احمد نے پشاور زلمی کے وہاب ریاض کے آخری اوور میں 6 چھکے لگا کر  اننگز کو اچھا اختتام دیا۔

 پشاورزلمی کی جانب سے   وہاب ریاض نے تین جبکہ عامر جمال اور اسامہ میر نے ایک ایک وکٹ حاصل کی۔

نمائشی میچ میں پشاور زلمی کے کپتان بابراعظم نے ٹاس جیت کر کوئٹہ گلیڈی ایٹرز کے خلاف  پہلے فیلڈنگ کا فیصلہ کیا تھا۔

6⃣ 6⃣ 6⃣ 6⃣ 6⃣ 6⃣ ????

Iftikhar goes big in the final over of the innings! ????

Watch Live ➡️ https://t.co/xOrGZzkfvl pic.twitter.com/CDSMFoayoZ

— Pakistan Cricket (@TheRealPCB) February 5, 2023

وزیراعلیٰ عبدالقدوس بزنجو ، وزیر تعلیم میر نصیب اللہ ، سابق کرکٹر جاویدمیانداد، محمد یوسف اوردیگر کے ساتھ میچ دیکھ رہے ہیں۔

دوسری جانب  میچ کےموقع پر اسٹیڈیم کے باہر شائقین کرکٹ کا رش دیکھا گیا جس کے پیش نظر انتظامیہ  نے انٹری پوائنٹس بندکردیے اور  بےنظمی پر نمائشی میچ  روک دیاگیا۔

انٹری پوائنٹس بند ہونے اور  اندرجانےکی اجازت نہ ملنےپربعض شائقین کی جانب سے احتجاج بھی کیا گیا  تاہم اب گراؤنڈ کےباہر صورتحال نارمل ہونے پرنمائشی میچ کادوبارہ آغاز کیا گیا۔

کوئٹہ میں میچ کیلئے اسٹیڈیم اور اطراف میں سکیورٹی کے سخت انتظامات کیے گئے ہیں، میچ کے دوران  4 ہزار سے زائد پولیس اور فرنٹئیرکور کے اہلکار سکیورٹی کے فرائض سرانجام دے رہے ہیں۔ دوسری جانب پی ایس ایل کا نمائشی میچ دیکھنے کیلئے سابق اسٹار کرکٹرز شاہد آفریدی، جاوید میانداد اور معین خان بھی کوئٹہ پہنچ گئے ہیں جب کہ اداکار ایوب کھوسہ، احد رضا سمیت کئی شوبز اسٹارز بھی کوئٹہ پہنچے ہوئے ہیں۔