کیا آپ بھی راتوں رات امیر بننا چاہتے ہیں ؟ قرعہ اندازی میں شامل ہوکر قسمت آزمائیں 

(ویب ڈیسک)چالیس ہزار روپے مالیت کے پرائز بانڈ کی قرعہ اندازی کی تاریخ کا اعلان کر دیا گیا۔

سرمایہ کاری کرنے والوں کے لیے بڑی خوشخبری ہے کہ رواں ماہ ان کے لیے کروڑوں روپے جیتنے کا سنہری موقع آ رہا ہے۔

پرائز بانڈ کو محفوظ سرمایہ کاری کا ذریعہ تصور کیا جاتا ہے اور پاکستان میں بیشتر لوگ اپنے سرمائے کو پرائز بانڈ کی صورت میں محفوظ کرتے ہیں۔

ملک میں سب سے بڑی مالیت کا پرائز بانڈ 40 ہزار روپے کا ہے جس کی قرعہ اندازی رواں ماہ 10 جون کو مظفر آباد آزاد کشمیر میں ہو نے جا رہی ہے، یعنی 10 جون کو خوش نصیبوں پر انعامات کی صورت میں پیسوں کی برسات ہو گی۔

چالیس ہزار روپے مالیت کے پرائز بانڈ پر مجموعی انعامات کی تعداد 664 ہے، 40 ہزار روپے مالیت کے پرائز بانڈ میں پہلے خوش نصیب کے لیے 8 کروڑ روپے یا 80 ملین روپے کی انعامی رقم رکھی گئی ہے۔

اس کے بعد تین کروڑ یا 30 ملین روپے مالیت کے انعامات تین خوش نصیبوں کو دیے جائیں گے، جب کہ 660 خوش نصیب ایسے ہوں گے جو 5 لاکھ روپے مالیت کے انعام کے حقدار قرار پائیں گے۔

یہ بھی پڑھیں:امریکا اب ایران کیخلاف دوبارہ جنگ نہیں کرےگا:امریکی اخبار کا دعویٰ

اسٹیٹ بنک آف پاکستان کے مطابق سرمایہ کاروں کو اپنی سرمایہ کاری پر ہر چھ ماہ بعد منافع ملتا ہے جس کی شرح وفاقی حکومت کی جانب سے مقرر کی جاتی ہے۔

یہ منافع چھ ماہ کی مدت پوری ہونے پر یا تو بانڈ کے اجرا کی تاریخ سے یا آخری منافع کی ادائیگی کی تاریخ سے دیا جاتا ہے، اس کے علاوہ سرمایہ کار مقررہ شرائط پوری کرنے کی صورت میں سہ ماہی قرعہ اندازی میں انعامی رقم کے بھی اہل ہوتے ہیں۔