پیپلز پارٹی وسطی پنجاب کے ایگزیکٹو اور پنجاب کونسل کا مشترکہ اجلاس طلب

(24نیوز) پاکستان پیپلز پارٹی وسطی پنجاب ایگزیکٹو اور پنجاب کونسل کا مشترکہ اجلاس طلب کر لیا گیا۔ 

تفصیلات کے مطابق مشترکہ اجلاس 7فروری بروز منگل کو لاہور میں طلب کر لیا گیا ہے، اجلاس کی صدارت قائم مقام صدر رانا فاروق سعید خان کریں گے، اجلاس میں قومی اسمبلی کی 33نشستوں پر ضمنی الیکشن پنجاب اسمبلی کے متوقع انتخابات، یوم کشمیر کی تقریبات کی رپورٹ اور موجودہ سیاسی و معاشی صورتحال پر غور کیا جائے گا۔

 واضح رہے کہ پیپلز پارٹی وسطی پنجاب کے جنرل سیکرٹری سید حسن مرتضیٰ نے تمام ایگزیکٹو ممبران اور پنجاب کونسل کو اپنی موجودگی یقینی بنانے کی ہدایت کی ہے۔