احسن اقبال کا کورونا ٹیسٹ دوبارہ مثبت آ گیا

(24 نیوز)مسلم لیگ ن کے رہنما احسن اقبال کا کورونا ٹیسٹ دوبارہ مثبت آ گیا۔لیگی رہنمانے خود کو قرنطینہ کر لیا ہے۔

سماجی رابطے کی ویب سائٹ ٹوئٹر پر اپنے ٹوئٹ میں احسن اقبال نے کہاہے کہ مجھے کورونا کی دوبارہ تشخیص ہوئی، میں نے آئسولیشن اختیار کرلی ہے، تمام دوستوں، احباب اور اہلیان نارووال سے درخواست ہے میری جلد صحت یابی کیلئے اپنی دعائوں میں یاد رکھیں۔ 

مجھے کوویڈ کی دوبارہ تشخیص ہوئی ہے- میں نے قرنطینہ اختیار کر لیا ہے-تمام دوستوں، احباب اور بالخصوص اہلیان نارووال سے درخواست ہے کہ میری جلد صحتیابی کے اپنی دعاؤوں میں مجھے یاد رکھیں!
ماسک پہنیں اور کرونا کے خلاف ایس او پیز پہ عمل کریں!

— Ahsan Iqbal (@betterpakistan) July 31, 2021

دوسری جانب اپوزیشن لیڈر و مسلم لیگ ن کے صدر شہباز شریف نے احسن اقبال کی جلد صحت یابی کی دعا کی ہے۔
یاد رہے کہ چند روز قبل مسلم لیگ ن کی مرکزی نائب صدر مریم نواز بھی کورونا سے متاثر ہو گئی تھیں۔