نگران وزیراعلیٰ کا مسجد شہداء کے قریب ماڈلز نمائش کا دورہ

(سعود بٹ) نگران وزیراعلیٰ سید محسن رضا نقوی نے عید میلاد النبیﷺ کے موقع پر مال روڈ پر مسجد شہداء کے قریب ماڈلز نمائش کا اچانک دورہ کیا۔

اس موقع پر نگران وزیراعلیٰ پنجاب نے عید میلاد النبیﷺ کے موقع پر بنائے گئے خانہ کعبہ کے ماڈل دیکھے اور وہاں موجود لوگوں میں گھل مل گئے۔

یہ بھی پڑھیے: آشوب چشم کا انجکشن اسکینڈل سے کوئی تعلق نہیں، نگران وزیراعلیٰ

اس موقع پر شہریوں نے نگران وزیراعلیٰ کے ساتھ سیلفیاں بھی بنوائیں جبکہ وزیراعلیٰ محسن نقوی نے شہریوں کو عید میلاد النبیﷺ کی مبارکباد دی۔

انسپکٹر جنرل پولیس پنجاب ڈاکٹر عثمان انور اور سی سی پی او لاہور بلال صدیق کمیانہ بھی ہمراہ تھے۔