جیکب آباد: ریلوے ٹریک پر دھماکہ ، جعفر ایکسپریس کی 3 بوگیاں پٹڑی سے اتر گئیں

(عیسیٰ ترین)جیکب آبادکے قریب ریلوے ٹریک پر دھماکے کے نتیجے میں جعفر ایکسپریس کی 4 بوگیاں ٹریک سے اتر گئیں۔
ڈی ٹی اوریلوے کے مطابق جعفر ایکسپریس پشاور سے کوئٹہ جا رہی تھی  کہ  سلطان پور کے قریب ٹریک پر دھماکے کے باعث حادثے کا شکار ہو گئی ،حادثے میں کسی قسم کا کوئی جانی نقصان نہیں ہوا،تاہم دھماکے کے بعد ٹرینوں کی روانگی معطل ہو گئی ہے۔

یہ بھی پڑھیں: بجلی کے کنکشن کی فراہمی میں آسانی کیلئےقوانین میں ترمیم کا فیصلہ
ریلوے حکام کا کہنا ہے کہ ٹریک کی بحالی میں 10 گھنٹے لگ سکتے ہیں،دوسری جانب وزیراعلیٰ سندھ  مراد علی شاہ نے ٹریک پر دھماکے کا نوٹس لیتے ہوئے تحقیقات کا حکم دیدیا ہے۔