9 مئی کو جو ہوا وہ ہماری پارٹی کی پالیسی نہیں، علی محمد خان 

(24نیوز) سنٹرل جیل مردان سے رہائی کے بعد پی ٹی آئی کے رہنما علی محمد خان کا پہلا ویڈیو بیان سامنے آگیا، اُن کا کہنا ہے کہ  پاکستان کو سیاسی انتقام کی نہیں سیاسی استحکام کی ضرورت ہے۔ 

اُن کا کہنا ہے کہ 9 مئی کو جس نے بھی غلط کیا، اُسے سزا ملنی چاہیے،  اُن  پر 9 مئی کے واقعات میں ملوث ہونے کا جھوٹا الزام لگایا گیا۔ 9 مئی کو جو ہوا وہ ہماری پارٹی کی پالیسی نہیں، ہماری ایک پُرامن تحریک ہے۔ پی ٹی آئی اور اداروں کے درمیان فاصلے ختم کرنے کی کوشش کریں گے۔ 

علی محمد خان کا جیل سے
رہائی کے بعد پہلا بیان #خان_تیرے_ساتھ_رہیں_گے pic.twitter.com/UWeNzCrj9i

— Qasim Khan Suri (@QasimKhanSuri) July 27, 2023

پاکستان کو سیاسی انتقام کی نہیں سیاسی استحکام کی ضرورت ہے۔  ملک کو شفاف الیکشن کی طرف لے جانا چاہیے، اس وقت ہمیں ملک کو پر امن طریقے سے شفاف الیکشن کی طرف لے کر جانا چاہیے۔

سابق وزیراعظم پر دہشت گردی کے پرچے کاٹنا پاکستان کی بدنامی ہے، میرا مسج محبت کا ہے عمران خان میرے لیڈر ہیں اور رہیں گے اور انشااللہ دوبارہ وزیراعظم بنے گے۔ 

 یاد رہے کہ سابق وفاقی وزیر  علی محمد خان80 دن  جیل رہنے کے بعد مردان جیل سے رہا ہوگئے ہیں۔