پاکستان کا پہلا فیشن میوزیم لانچ کرنے کا اعلان
Stay tuned with 24 News HD Android App
(ویب ڈیسک) پاکستان کے تین بڑے فیشن آئیکونز نے مل کر ملک کے پہلے فیشن میوزیم کو لانچ کرنے کا اعلان کردیا،جس میں ملک کے تخلیقی ورثے کو رونمائی کیلئے نمائش بھی رکھی جائے گی۔
تفصیلات کے مطابق فیشن ڈیزائنر فریحہ الطاف، نبیلہ مقصود اور فیفی ہارون نے کہا کہ پاکستانی فیشن میوزیم میں گزشتہ 75 برس کے فیشن کلیکشن رکھے جائیں گے۔
فیشن ایونٹ کو موسم سرما اور بہار 2023-2024 کو پاکستان میں یونیسکو کی ورلڈ ہیریٹیج سائٹ پر لانچ کیا جائے گا۔
انسٹاگرام پوسٹ میں فریحہ الطاف نے بتایا کہ "فیشن گالا اور نمائش کے سالانہ ایونٹ بھی ہوگا میں پاکستان کے ڈیزائنر اپنی تخلیقات کے ساتھ سامنے آئیں گے۔"
View this post on Instagram
اپنی وڈیو میں فیشن ڈیزائنر فریحہ الطاف کا کہنا تھا کہ "ہم نے گزشتہ تین دہائیوں سے اپنے آپ کو پاکستانی اور عالمی فیشن کیلئے مصروف رکھا ہے اور اب ہم پاکستان کو فیشن میں آگے لے جانے کیلئے کوشاں ہیں۔"