میرے اور لیلا بھنسالی کے درمیان’’محبت اور جنگ‘‘ہے،کرینہ کپور نے یہ بات کیوں کہی۔۔ ؟

(ویب ڈیسک) بالی ووڈکی اداکارہ کرینہ کپور خان نے اپنے اور سنجے لیلا بھنسالی کے رشتے کو بیان کرتے ہوئے کہا کہ ’’ ہمارے درمیان لو اینڈ وار  (محبت اور جنگ)ہے‘‘۔ انہوں نے اداکار وکی کوشل کی فلم ’’لو اینڈ وار‘‘ کے حوالے سے گفتگو  کے دوران یہ بات کہی۔

بھارتی ذرائع ابلاغ کی رپورٹ کے  مطابق دی ہالی ووڈرپورٹر سے وکی کوشل کے بارے میں بات کرتے ہوئے کرینہ کپور خان نے اپنے اور فلمساز سنجے لیلا بھنسالی کے رشتے کے متعلق بتاتے ہوئے کہا کہ ’’میرے اور ان کے درمیان محبت اور جنگ ہے۔‘‘ کرینہ کپور خان نے وکی کوشل کی اگلی فلم کے تعلق سے جاری گفتگو کے دوران یہ کہا جس کی ہدایتکاری فلمساز سنجے لیلا بھنسالی نے کی ہے اور جس میں عالیہ بھٹ اور رنبیرکپور کلیدی کردار میں نظر آئیں گے۔ جب وکی کوشل سنجے لیلا بھنسالی کے ساتھ کام کرنے کے تجربے کو بیان کر رہے تھے تو کرینہ کپور خان نے مداخلت کرتے ہوئے کہا ’’میں آپ کو سنجے لیلا بھنسالی کی فلم میں دیکھنے کا انتظار کررہی ہوں اور ’’لواینڈ وار‘‘ دراصل میرے اور سنجے کے درمیان ہے۔ آپ انہیں یہ کہہ سکتے ہیں۔ وہ سمجھ جائیں گے۔ ہمارے درمیان محبت اور جنگ ہے۔ فلم’’لو اینڈ وار‘‘ میں عالیہ بھٹ، رنبیر کپور، وکی کوشل اور دیگر نے کلیدی کردار ادا کئے ہیں۔  

وکی کوشل نے کرینہ کپور سے یہ سوال کیا ’’اب کیا؟ محبت یا جنگ؟‘‘ جس کے جواب میں کرینہ نے ہنستے ہوئے کہا ’’ہم ہمیشہ اتار چڑھاؤ کا شکار رہتے ہیں۔‘‘ کرینہ کپور خان کو ابتدائی طور پر سنجے لیلا بھنسالی کی فلم ’’دیوداس‘‘ میں پاور کے کردار کیلئے موضوع سمجھا گیا تھا۔ بعد ازیں یہ کردار ایشوریہ رائے بچن کو سونپ دیا گیا تھا۔ اس کے چند برسوں بعد کرینہ کپور خان کو بھنسالی کی فلم ’’گلیوں کی راس لیلا اور رام لیلا‘‘ میں کاسٹ کیا گیا تھا۔ اس موقع کو گنوانے کے بعد کرینہ کپور خان اور سنجے لیلا بھنسالی نے ایک دوسرے کے کام کی تعریف کی۔ بھنسالی، جو اپنی اسٹوری ٹیلنگ اور جذباتی گہرائی کیلئے جانے جاتے ہیں، اب اپنی اگلی فلم ’’لو اینڈ وار‘‘ کے ذریعے پردہ ٔ سیمیں پر واپس آرہے ہیں ۔ یہ فلم 2026 میں ریلیز ہوگی اور ’’ہیرا منڈی‘‘ کے بعد سنجے لیلا بھنسالی کی دوسری بڑی فلم ہوگی۔ 

یہ بھی پڑھیں: بالی ووڈ اداکارہ ودیا بالن فلم’’راجا شیواجی‘‘میں ہیروئن کا کردار ادا کرنے کیلئے تیار