پنجاب کے دریاؤں میں پانی کا بہاؤ نارمل ہے:ڈی جی پی ڈی ایم اے

(علی رامے)ڈی جی پی ڈی ایم اے عرفان علی کاٹھیا نے کہا کہ پنجاب کے دریاؤں میں پانی کا بہاؤ نارمل ہے۔

عرفان علی کاٹھیا نے کہا کہ سیلاب سے متاثرہ علاقوں میں بھی پانی کی سطح میں واضح کمی آئی ہے۔
ڈی جی پی ڈی ایم اے نے مزید کہا کہ دریائے راوی جسڑ کے مقام پر پانی کا بہاؤ 5 ہزار کیوسک ریکارڈ کیاگیا ہے۔
انہوں نے کہا کہ دریائے راوی شاہدرہ کے مقام پر پانی کا بہاؤ 5 ہزار کیوسک ہے۔
ڈی جی پی ڈی ایم اے عرفان علی کاٹھیا کا کہنا تھا کہ بلوکی ہیڈ ورکس کے مقام پر پانی کا بہاؤ 27 ہزار کیوسک ہے۔
انہوں نے کہا کہ دریائے راوی ہیڈ سدھنائی کے مقام پر پانی کا بہاؤ 23 ہزار کیوسک ریکارڈ کیا گیا۔

یہ بھی پڑھیں:کوئٹہ سے پشاور کیلئے جعفر ایکسپریس کی سروس 3 روز کیلئے معطل
ڈی جی پی ڈی ایم اے کے مطابق سیلاب سے متاثرہ علاقوں میں بحالی کے اقدامات جاری ہیں۔