نااہل مودی کی ناکام اور منافقانہ خارجہ پالیسی پر اپوزیشن لیڈر بھی سیخ پا

(24نیوز)اپوزیشن رہنما راہول گاندھی نے نریندر مودی کی خارجہ پالیسی کو شدید تنقید کا نشانہ بناتے ہوئے اسے ناکام اور دوغلا قرار دیا ہے۔

اپوزیشن رہنما کے مطابق بھارت کی خارجہ پالیسی اب ذاتی ترجیحات کے تابع نظر آتی ہے، جس کے باعث ملک کو عالمی سطح پر مشکلات اور تنقید کا سامنا ہے۔

ان کا کہنا تھا کہ اگر وزیراعظم کسی حد تک دباؤ یا اثر میں ہوں تو اس کا اثر براہِ راست ریاستی پالیسی پر بھی پڑتا ہے۔

راہول گاندھی نے مزید کہا کہ بھارت کو اپنی خودمختار خارجہ پالیسی کو مضبوط کرنا چاہیے اور قومی مفادات کو اولین ترجیح دینی چاہیے، نہ کہ بیرونی طاقتوں کے اثرات کو غالب آنے دیا جائے۔

ماہرین کے مطابق اپوزیشن کی جانب سے اس نوعیت کی تنقید خطے میں بدلتی ہوئی جیوپولیٹیکل صورتحال اور بھارت کی سفارتی حکمت عملی پر بڑھتی ہوئی بحث کی عکاسی کرتی ہے، جہاں توانائی، تجارت اور علاقائی اتحاد اہم کردار ادا کر رہے ہیں۔

یہ بھی پڑھیں:مودی سرکار کی ناقص پالیسیوں نے بھارتی عوام کو گیس اور پیٹرول کے شدید بحران میں دھکیل دیا

تجزیہ کاروں کا کہنا ہے کہ موجودہ عالمی حالات میں ہر ملک کی خارجہ پالیسی پر اندرونی سیاسی اختلافات اور بین الاقوامی دباؤ دونوں کا اثر پڑتا ہے، جس کے باعث اس موضوع پر بحث مزید شدت اختیار کر رہی ہے۔