پی ڈی ایم رہنماؤں نے عمران خان سے متعلق کیا مدد طلب کی ؟ حریم شاہ نے بڑا انکشاف کر دیا 

(مانیٹرنگ ڈیسک)سیاستدانوں اور اعلیٰ سرکاری افسران کی نازیبا ویڈیوز لیک کرنے کے حوالے سے مشہور پاکستان کی نامور ٹک ٹاکر حریم شاہ نے چیئر مین پاکستان تحریک انصاف  عمران خان اور پی ڈی ایم رہنماؤں کے حوالے سے اہم انکشاف کیا ہے ۔

تفصیلات کے مطابق سماجی رابطوں کی سائیٹ ٹویٹر پر پیغام جاری کرتے ہوئے حریم شاہ نے الزام عائد کیا ہے کہ پی ڈی ایم سیاسی اتحاد کے کچھ رہنماوں نے ان سے رابطہ کیا ہے اور ان سے مالی و دیگر فوائد کے عوض آئندہ عام انتخابات میں سابق وزیر اعظم عمران خان  کیخلاف ڈرٹی مہم چلانے کی پیشکش کی ہے ۔

ٹاک ٹاکر نے اپنے پیغام میں مزید کہا کہ لیکن میں نے انہیں جواب دیا کہ ’’ایبسولوٹلی ناٹ ‘‘۔

پی ڈی ایم ٹولے کے چند رہنما کچھ دنوں سے رابطہ کر رہے ہیں اور مجھ سے مالی و دیگر فوائد کے عوض آئندہ عام انتخابات میں عمران خان صاحب اور تحریک انصاف کے خلاف ڈرٹی مہم چلانے کی پیشکش کر رہے ہیں۔

میں نے جواب دیا؛ ایبسولوٹلی ناٹ !

— Hareem Shah (@_Hareem_Shah) July 24, 2023

واضح رہے کہ حریم شاہ کواس وقت شہر ملی جب پی ٹی آئی دور حکومت میں حریم شاہ نے ملک کے حساس ادارے وزیر خارجہ آفس میں جا کر جوتے کی نوک سے کانفرنس روم کا دروازہ کھولا تھا اور پھر وزیر اعظم کی کرسی پر بیٹھ کر بھی تصاویر اپ لوڈ کی تھیں، جس کے بعد حریم شاہ شہرت کی بلندیوں پر پہنچ گئیں، البتہ یہ سوال ابھی بھی جواب طلب ہے کہ حریم شاہ کو کس نے حساس ادارے میں جانے کی اجازت دی اور پھر وہاں وہ اپنے کیمرے کے ساتھ مکروہ عمل کرتی رہی جس سے پوری دنیا میں پاکستان کی جگ ہنسائی ہوئی ۔