پہلگام حملے کے بعد امیتابھ بچن کی ٹویٹ نے ہنگامہ کھڑا کر دیا،بھارتی ناراض

(ویب ڈیسک) بالی ووڈ کے نامور اداکارامیتابھ بچن نے پہلگام حملے کے چند گھنٹے بعد انسٹاگرام پر ایک خفیہ پوسٹ شیئر کی۔ اس کے بعد سوشل میڈیا پر کافی ہنگامہ ہوا ہے۔ انہوں نے اپنے بلاگ پر بھی یہی بات پوسٹ کی۔ امیتابھ کو اس قدر ٹرول کیا گیا کہ وہ ٹرول کرنے والوں پر طیش میں آگئے جس کی وجہ سے لوگ انہیں مسلسل نشانہ بنا رہے ہیں۔
بھارتی کے نجی ٹی وی کی رپورٹ کے مطابق پہلگام  حملے پر کچھ نہ کہنے پر لوگ امیتابھ بچن کو خود غرض، مطلبی اور اس طرح کے دوسرے ناموں سے پکار رہے ہیں۔ کسی نے کہا کہ اس میں ہمت نہیں ہے۔ امیتابھ مسلسل 4 دنوں سے خالی ٹویٹس کر رہے ہیں۔  امیتابھ بچن نے اپنا ٹویٹ نمبر ڈال کر پوسٹ خالی چھوڑ دی۔ امیتابھ کی اس خفیہ پوسٹ کو کوئی نہیں سمجھ سکا۔ اس ٹویٹ سے امیتابھ کے مداح اور فالوورز پریشان اور ناراض ہو گئے۔ جب کچھ مداحوں نے اسے ڈی کوڈ کیا تو انہیں معلوم ہوا کہ یہ ان کا ٹویٹ نمبر تھا۔

بہت سے لوگوں نے اس قومی سانحہ پر امیتابھ بچن کی خاموشی اور ٹائمنگ کو تنقید کا نشانہ بنایا۔ ایک پیروکار نے لکھا، "خاموشی بہت کچھ کہتی ہے امیت جی۔" ایک اور نے تبصرہ کیا، "کشمیر میں کیا ہوا اس پر ایک بھی پوسٹ نہیں؟"۔ایک مداح نے لکھا، "سر  آپ فلم انڈسٹری کے سب سے سینئر اداکار ہیں، پھر بھی پہلگام دہشت گردانہ حملے پر آپ کی طرف سے کوئی مذمت نہیں کی گئی؟"۔ ایک اور نے لکھا کہ جناب آپ کو واضح پوسٹ کرنی چاہیے تھی۔
 

انکی خالی ٹویٹ  سے مداح اور فالوورز اور بھی پریشان ہو گئے ہیں۔ ایک صارف نے لکھا کہ ’میری ہمت نہیں ہے۔ ایک صارف نے لکھا کہ ’خود غرض شخص، وہ کچھ نہیں کہے گا، صرف اپنے بیٹے کو پروموٹ کرے گا اور کبھی مذہب، ملک یا ہندوؤں پر بات نہیں کرے گا، اسے شرم آنی چاہیے۔
ا یک اور صارف نے لکھا، "سر، براہ کرم کبھی کبھی سٹینڈ لیں، کیا آپ ہمیشہ محفوظ کھیلیں گے؟" ایک اور صارف نے لکھا کہ ’امیتابھ بچن کے پاس اب وہ چنگاری نہیں ہے، اب وہ اپنی بیوی کے ڈر سے کچھ نہیں کہہ پا رہے‘۔

یہ بھی پڑھیں:مرغی، آٹا، سرسوں کا تیل، ٹماٹر، بجلی اور ایل پی جی سستی، ہفتہ وار مہنگائی رپورٹ جاری