کیلنڈر ایئر میں 100 ٹی ٹونٹی چھکے،صاحبزادہ فرحان پہلے پاکستانی بن گئے

(24 نیوز)قومی کرکٹ ٹیم کے جارح مزاج اوپنر صاحبزادہ فرحان کیلنڈر ایئر میں 100 ٹی 20 چھکے لگانے والے پہلے پاکستانی بلے باز بن گئے۔

پاکستان کی ٹی ٹونٹی ٹیم کے اوپنر نے یہ اعزاز سری لنکا کےخلاف حالیہ ٹرائی سیریز میں حاصل کیا۔

 انھوں نے ہدف کے تعاقب میں شاندار بیٹنگ کرتے ہوئے 45 گیندوں پر 80 ناٹ آؤٹ رنز کی اننگز تراشی۔

صاحبزادہ فرحان نے آئی لینڈرز کے خلاف میچ میں5 چھکوں کے ساتھ ایک کلینڈرایئر میں ٹی ٹونٹی میچز میں پاکستان کی طرف سے سب سے زیادہ چھکے لگانے کا اعزاز حاصل کیا۔

مزید پڑھیں:انگلش پریمیئر لیگ: چیلسی نے برنلے کو دو صفر سے ہرا دیا

ان کی دلکش اننگز میں چوکے بھی شامل تھے، انھوں نے ٹرائی سیریز کے اس میچ میں اپنی بیٹنگ سے شائقین کو خوب محظوظ کیا اور مداحوں کی داد وصول کی۔

میچ کے بعد پریس کانفرنس کرتے ہوئے کا کہنا تھا کہ پاکستان کے لیے ٹیسٹ کرکٹ کھیلنا چاہتا ہوں گزشتہ چند میچز اچھے نہیں گئے تھے۔

 میری اسٹرائیک روٹیشن کا مسئلہ تھا، کوچ مائیک ہیسن نے کہا کہ باؤنڈری کے بعد سنگل ڈبل لیا کروں۔

انھوں نے کہا کہ چند میچز سے میں ریلیکس تھا تو فخر زمان نے کہا کہ ریلیکس نہیں ہونا، کچھ بھی مسئلہ ہو تو فخر کے پاس جاتا ہوں، وہ مجھے مشورہ دیتے ہیں۔

اوپنر بیٹر نے کہا کہ بابر اعظم کو لوگ سپورٹ کرتے ہیں تو خوشی ہوتی ہے، ان کے ساتھ کھیل کر مزہ آتا ہے۔

 پی ایس ایل میں ڈومیسٹک کرکٹ میں ٹاپ کرکے آیا تھا، ضرورت پڑی تو ایک روزہ فارمیٹ بھی کھیلوں گا۔

انھوں نے کہا کہ ڈومیسٹک کرکٹ میں تینوں فارمیٹس میں ٹاپ آرڈر میں کھیلتا ہوں، مجھے معلوم تھا ایک دن آئے گا جب مجھے ٹاپ آرڈر میں موقع ملے گا۔