دوران پرواز جہاز میں ننھی پری کی آمد۔والدین نے منفرد نام رکھ دیا

May 22, 2022 | 09:50:AM
دوران پرواز جہاز میں ننھی پری کی آمد۔والدین نے منفرد نام رکھ دیا
Stay tunned with 24 News HD Android App
Get it on Google Play

(ویب ڈیسک)امریکا میں دوران پرواز جہاز میں بچی کی پیدائش ہوئی والدین نے اس کا نام اسکائے(آسمان) رکھ دیا۔

غیرملکی خبر رساں ادارے کی رپورٹ کے مطابق امریکی شہر ڈینور سے اورلانڈو شہر جانے والی ایئرلائن میں خاتون کے ہاں ننھی پری کی آمد ہوئی، بچی کی پیدائش زمین پر نہیں بلکہ ہوا میں اڑتے طیارے میں ہوئی تو والدین نے اسے مناسبت سے اس کا نام آسمان رکھا۔

رپورٹ میں بتایا گیا کہ شکیریا مارٹن نامی خاتون کو جہاز میں اچانک زچکی کا درد اٹھا، ایئرلائن عملے نے ہرممکن مدد کی اور فوری طور پر انہیں واش روم کی جانب لے گیا جہاں شکیریا نے خوبصورت سی بچی کو جنم دیا۔

 بعد ازاں طیارے کو مقررہ منزل سے قبل قریبی ایئرپورٹ پر لینڈ کرایا گیا جہاں میڈیکل ٹیم نے بچے اور ماں کی دیکھ بھال کی۔

خیال رہے کہ دوران پرواز بچوں کی پیدائش کا واقعہ نیا نہیں اس سے قبل بھی متعدد بار مائیں بچوں کو جنم دے چکی ہیں لیکن یہاں دلچسپ امر یہ ہے کہ والدین نے اس کا نام منفرد رکھا ہے۔

یہ بھی پڑھیں:      سپورٹ ملے تو وہ ملک کو بحرانوں سے نکال سکتے ہیں۔رانا ثناء