کھیل کا میدان خون سے رنگین،بھگدڑ مچنے سے 9 افراد ہلاک ، متعدد زخمی

(ویب ڈیسک)وسطی امریکا کے ملک ایل سلواڈور کے فٹبال اسٹیڈیم میں بھگدڑ مچنے سے 9 افراد ہلاک اور  متعدد زخمی ہوگئے۔

غیر ملکی خبر ایجنسی کے مطابق بھگدڑ کا واقعہ دارالحکومت سان سلواڈور  میں دو مقامی فٹبال ٹیموں کے دوران ہونے والے میچ میں پیش آیا۔پولیس کے مطابق میچ کے دوران تماشائیوں کی بڑی تعداد نے اسٹیڈیم میں زبردستی داخل ہونے کی کوشش کی جس کے باعث بھگدڑ مچ گئی ۔

ضرور پڑھیں :سانحہ 9 مئی کے ذمہ داروں کیخلاف پاکستان آرمی ایکٹ کے تحت کارروائی شروع کردی: آرمی چیف
پولیس کا کہنا ہے کہ اب تک 9 افراد کی ہلاکت کی تصدیق ہوئی ہے جب کہ متعدد زخمی ہیں جنہیں قریبی اسپتال منتقل کردیا گیا ہے۔