ویڈیو:چین میں روبوٹس بھی ڈانسر بن گئے
Stay tuned with 24 News HD Android App
(24 نیوز)چین میں انسان نما روبوٹ پہلی بار کنسرٹ میں پاپ سٹار کے بیک اپ ڈانسر بن گئے۔
چین کے شہر چینگدو میں پاپ سٹار وانگ لی ہوم کے کنسرٹ میں انسان نما روبوٹوں نے پہلی بار سٹیج شیئر کیا اور بیک اپ ڈانسر کے طور پر پرفارم کیا۔
یہ روبوٹ یونٹری کے G1 ماڈلز سے تعلق رکھتے ہیں اور انسانی ڈانسرز کے ساتھ ہم آہنگی سے پیچیدہ کوریوگرافی پیش کرنے کی صلاحیت رکھتے ہیں۔
روبوٹس نے چمکدار لباس پہنے اور انسانی پرفارمرز کے ساتھ مل کر ناصرف رقص کیا بلکہ فلیپ اور دیگر مشکل حرکات بھی بہترین ہم آہنگی کے ساتھ انجام دیں۔
مزید پڑھیں:جاپانی خاتون کی انوکھی محبت، چیٹ جی پی ٹی سے شادی کرلی
اس پرفارمنس کی ویڈیوز سوشل میڈیا پر وائرل ہو گئیں، جہاں روبوٹس کی حیرت انگیز صلاحیتوں اور انسانی ڈانسرز کے ساتھ ہم آہنگی کو خوب سراہا گیا۔
یہ واقعہ چین میں انسان نما روبوٹکس کی تیز رفتار ترقی کی ایک جھلک پیش کرتا ہے، پہلے بھی یونٹری کے G1 ماڈلز کی ویڈیوز وائرل ہو چکی ہیں۔
یہ روبوٹ باسکٹ بال کھیلنے اور جسمانی جھٹکوں کو سہنے کی صلاحیت دکھا چکے ہیں۔
کنسرٹ میں اس منفرد پرفارمنس نے مداحوں کو متاثر کیا، ایک ناظر نے کہا کہ چین میں روبوٹ بالکل اگلی سطح پر ہیں۔
اس وائرل ویڈیو کو ٹیسلا کے سی ای او ایلون مسک نے بھی دوبارہ شیئر کیا ہے۔