خطرناک مقابلہ، بندروں نے ساتھی کو چیتے کے منہ میں جانے سے بچالیا

(ویب ڈیسک)  گزشتہ چند دنوں سے ایک ویڈیو کلپ وسیع پیمانے پر انٹرنیٹ پر وائرل ہورہا ہے جس میں جنگل میں زندہ رہنے کی جدوجہد کو دکھایا گیا ہے۔

جنوبی افریقہ کے کروگر نیشنل پارک میں ایک تیندوے اور بندروں کے ایک گروپ کے درمیان ہونے والے تصادم کی نادر ویڈیو بنائی گئی ہے۔ چیتا اور بندروں کا گروپ ایک دوسرے کو مارنے کے درپے ہیں۔

ہوا یوں کہ جس وقت ایک چیتا بندروں کے ایک گروہ کے قریب پہنچا اور ان میں سے ایک کو ہڑپ کرنے کی کوشش کی تو باقی بندر اس تیندوے کے گرد جمع ہوگئے اور اس پر حملہ کردیا۔ اس خوفناک لڑائی میں بالاخر بندروں کا گروہ فتح یاب ہوگیا اور چیتے بھاگنے پر مجبور ہوگیا۔

ویڈیو بنانے والے رکی دا فونسیکا نے تبصرہ کرتے ہوئے کہا کہ ہم ایک تیندوے کو سڑک کے کنارے آہستہ آہستہ چلتے ہوئے دیکھ کر حیران رہ گئے۔ چیتا اس وقت آہستہ آہستہ چل رہا تھا اور ببونوں کا ایک گروپ اس کے قریب کھیل رہا تھا۔

یہ بھی پڑھیے: بلب ٹھیک کرتی ’بلی‘ کی ویڈیو سوشل میڈیا پر وائرل

اس نے مزید کہا کہ تیندوا شروع میں انتہائی پراعتماد لگ رہا تھا اور سڑک کے کنارے گھاس پھوس کے درمیان موجود تھا۔ جیسے ہی تیندوا بندروں یا ببونوں کے قریب پہنچا تو اس نے بندروں میں سے ایک کو پکڑنے کی کوشش میں گھاس سے چھلانگ لگا دی۔

تاہم تیندوے کے حملے کا شکار ہونے والے بندر کو بچانے کیلئے بابوؤں نے تیزی سے اسے گھیرے میں لے لیا اور اس کے جسم کے مختلف حصوں میں اسے سختی سے کاٹ دیا۔ پھر ایک حیرت انگیز منظر میں تیندوا بندروں سے بچ نکلا۔ ویڈیو وائرل ہوئی تو سوشل میڈیا پر لاکھوں افراد نے اسے دیکھا۔