پولیو فری پاکستان ہمارا قومی مقصد،والدین تعاون کریں: وزیراعظم 

(24نیوز)وزیراعظم شہباز شریف نے کہا کہ پولیو فری پاکستان ہمارا قومی مقصد ہے،والدین سے اپیل ہے پولیو ٹیموں کے ساتھ تعاون کریں،مل جل کر اس وائرس کے خاتمہ کیلئے کوششیں جاری رکھیں گے۔

سماجی رابطے کی ویب سائٹ ٹویٹر پر انہوں نے لکھا کہ پولیو فری پاکستان ہمارا قومی مقصد ہے۔ پاکستان ان چند ممالک میں سے ایک ہے جہاں اب بھی پولیو کے کیسز ہیں جو کہ بدقسمتی کی بات ہے۔ وفاقی اور صوبائی حکومتوں کو ایک اجتماعی مشن کے طور پر پولیو وائرس کے خاتمے کے لئے پوری کوشش کرنی چاہیے۔ والدین سے اپیل ہے پولیو ٹیموں کے ساتھ تعاون کریں۔

With access to several areas of the country virtually cut off due to flash floods, this anti-polio campaign has become all the more challenging. However, complacency is not an option. Grateful to our global partners, particularly Bill & Melinda Gates Foundation for their support.

— Shehbaz Sharif (@CMShehbaz) August 19, 2022

وزیراعظم نے مزید لکھا کہ اچانک سیلاب کی وجہ سے ملک کے کئی علاقوں تک رسائی تقریباً منقطع ہونے کی وجہ سے انسداد پولیو مہم مزید چیلنجنگ بن گئی ہے، ہمارے عالمی شراکت داروں، خاص طور پر بل اینڈ میلنڈا گیٹس فاؤنڈیشن کے تعاون کیلئے ان کا مشکور ہوں۔