اقتدارمیں آکر 30لاکھ پکےگھر اور سولرکےذریعے 300 یونٹ بجلی فری پہنچائیں گے: بلاول بھٹو
Stay tuned with 24 News HD Android App
(24 نیوز) چیئرمین پیپلزپارٹی بلاول بھٹوزرداری کا کہنا ہے کہ اقتدارمیں آکر 30لاکھ پکےگھر اور سولرکےذریعے 300 یونٹ بجلی فری پہنچائیں گے۔
رحیم یارخان میں سابق وزیر خارجہ اور چیئرمین پیپلزپارٹی بلاول بھٹوزرداری نے خطاب کرتے ہوئے کہا کہ ایک جلسہ ہمارےسامنےہےاوردوسرا سڑک پرہے، ایسانہ ہوکہ آپ کا جوش و جذبہ دیکھ کروہ شیرڈرکربھاگ جائے، مجھےخوشی ہےکہ ایک بارپھرسےآپ کےدرمیان آیاہوں، وسیب سےہم تخت لاہورکو ڈٹ کر مقابلہ کرنےکا پیغام دیتے ہیں، جیت پیپلزپارٹی کی ہو گی۔
یہ بھی پڑھیں: تحریک انصاف کیلئے اچھی خبر، اہم رہنما کے کاغذات نامزدگی منظور
انہوں نے مزید کہا کہ پیپلزپارٹی اپنےمنشورپرالیکشن لڑرہی ہے، پاکستان کی عوام مہنگائی، بےروزگاری سےپریشان ہے، ہم نے 10 نکاتی ایجنڈا پیش کیاہے، فنانشل 10 نکاتی ایجنڈے میں منسٹریز کا 300 ارب کا خرچہ عوام پرکیا جائے، دوسرا ایجنڈا اشرافیہ کی سبسڈی ختم کریں گے، ہمارا پہلا وعدہ پاکستانی عوام کی آمدنی بڑھائیں گے، ہمارا دوسرا وعدہ اقتدارمیں آکر 300 یونٹ بجلی فری سولرکےذریعےپہنچائیں گے، 30لاکھ پکےگھر بنائیں گے۔
بلاول بھٹوزرداری نے کہا کہ ہمارا منشور آپ نےگھرگھرلےکرجانا ہے، میں صرف عوام کاساتھ مانگ رہا ہوں، پیپلزپارٹی کامقابلہ غربت، بےروزگاری اوربھوک سے ہے، پیپلزپارٹی غریبوں، عام آدمی کی جماعت ہے، اب چوتھی بار وزیراعظم بن کرعوام کا خون چوسنا چاہتا ہے، پہلی باروزیراعظم بنا تو بنانےوالوں سےلڑا، دوسری باربھی انہی سےلڑا، تیسری بار وزیراعظم اسی ناکام شخص کو بنایا گیا، اگر یہ چوتھی بار وزیراعظم بنا تو وہی پھر روئےگا کہ مجھےکیوں نکالا، اس صوبےکی عوام میاں نوازشریف کوچوتھی باروزیراعظم نہیں دیکھناچاہتے۔
لائیو: پاکستان پیپلز پارٹی کا رحیم یار خان کی تحصیل لیاقت پور میں خان بیلہ کے مقام پر جلسہ عام https://t.co/APA8deJA3m
— Pakistan Peoples Party - PPP (@PPP_Org) January 19, 2024
چیئرمین پیپلز پارٹی نے کہا کہ میں صرف عوام کی حکومت چاہتا ہوں، پنجاب کےلیاقت پورمیں مفت علاج کافری ہسپتال بناوں گا، آپ نے 8 فروری کو تیر پر نشان لگاناہے، اگر آپ میرےتمام امیدواروں کو جیتوائیں گےتو میں آپ کے مسائل حل کروں گا، 8 فروری کو تیر پر ٹھپا لگانا ہے، یہ تیر وسیب کا نشان ہے، جیت تیر کی ہی ہوگی۔