معدوم دیوقامت ہاتھی ‘میمتھ’ کو دوبارہ زندہ کرنیکی تیاریاں

(مانیٹرنگ ڈیسک) سائنسی ماہرین نے معدوم دیو قامت ہاتھی'میمتھ'کو دوبارہ زندہ کرنے  کی تیاریاں شروع کر دی ہیں، چار مراحل میں ہاتھی وجود میں آئے گا جس میں تقریباً چھ سال لگیں گے۔

میڈیا رپورٹ کے مطابق ہم سب نے بالوں والے دیوہیکل ہاتھیوں کا نام سنا ہے جنہیں میمتھ کہا جاتا ہے،اب سائنسدانوں نے اس کے ڈی این اے کی عام ہاتھیوں سے کلوننگ کے لیے ڈٰیڑھ کروڑ ڈالر کا سرمایہ بھی جمع کرلیا ہے ، چار مراحل میں یہ کام کیا جائے گاپہلے منجمد میمتھ کے ڈی این اے سے نکال کر اس کا موازنہ ایشیائی ہاتھی سے کیا جائے گا، دوم ایشیائی ہاتھی کی جلد کے خلیات لے کر اسے جینیاتی انجینئرنگ سے بدل کر میمتھ کے جنین شامل کئے جائیں گے ۔

تیسرے مرحلے میں سٹیم سیل کی مدد سے ایک بیضہ تیار کیا جائے گا۔ اب ایشیائی ہاتھی کے جلد کی خلیات سے مرکزہ نکال کر میمتھ کے ڈی این اے والا مرکزہ داخل کیا جائے گا۔ آخری مرحلے میں انڈے کی افزائش شروع کرکے اسے ایشیائی مادہ میں داخل کرکے اسے حاملہ کیا جائے گا۔ توقع ہے کہ اگلے چھ برس میں پہلا میمتھ نما ہاتھی اس دنیا میں آنکھ کھولے گا۔

یہ بھی پڑھیں:      گداگروں کیخلاف آپریشن شروع: معذوروں بن کر بھیک مانگنے والے رعایت کے مستحق نہیں