پہلی مرتبہ فٹ بال ورلڈ کپ کھیلنے والی ٹیم نے سپین کو ناکوں چنے چبا دیئے
تجربہ کار ٹیم کی فاروڈ لائن نے مخالف گول پوسٹ پر 24 سے زائد حملے کیے لیکن گول کیپر سیسہ پلائی دیوار بنا رہا ، حریف کی ایک نہ چلی
Stay tuned with 24 News HD Android App
(24 نیوز )فیفا ورلڈ کپ 2026 میں سابق عالمی چیمپئن اسپین قومی فٹبال ٹیم کو پہلی بار میگا ایونٹ میں شریک ہونے والی کیپ ورڈی قومی فٹبال ٹیم کے خلاف غیر متوقع مزاحمت کا سامنا کرنا پڑا، اور دونوں ٹیموں کے درمیان میچ بغیر کسی گول کے برابر رہا۔
اٹلانٹا اسٹیڈیم میں کھیلے گئے میچ میں اسپین نے گیند پر زیادہ کنٹرول برقرار رکھا اور مسلسل حملے کیے، تاہم وہ کیپ ورڈی کے مضبوط دفاع کو توڑنے میں ناکام رہی۔
کیپ ورڈی کے گول کیپر وزینا نے شاندار کارکردگی کا مظاہرہ کرتے ہوئے اسپین کے متعدد خطرناک حملے ناکام بنائے۔ انہوں نے گول پر کیے گئے سات اہم شاٹس کو روک کر اپنی ٹیم کو شکست سے بچانے میں کلیدی کردار ادا کیا۔
میچ کے دوران اسپین نے دو درجن سے زائد مواقع پر گول کرنے کی کوشش کی، لیکن کیپ ورڈی کی منظم دفاعی حکمت عملی اور گول کیپر کی عمدہ کارکردگی کے باعث کوئی بھی کوشش کامیاب نہ ہو سکی۔
اس نتیجے کے بعد کیپ ورڈی نے عالمی سطح پر اپنی صلاحیتوں کا بھرپور اظہار کیا، جبکہ اسپین کو اگلے مقابلوں میں اپنی فِنشنگ بہتر بنانے کی ضرورت محسوس ہوگی۔
یہ بھی پڑھیں :پاکستان نے عالمی امن کے لیے مثبت کردار ادا کیا؛فیصل واوڈا