دلہے نے دلہن کو سٹیج پر تھپڑ رسید کردیا، ویڈیو سوشل میڈیا پروائرل

(ویب ڈیسک)شادی بیاہ کی تقریبات میں اکثر بدمزگی ہوجاتی ہے مگر ازبکستان میں  ایک انوکھا واقعہ رونما ہوا  جب دولہے نے سٹیج پر کھڑے دلہن کو تھپڑ ماردیا۔

وائرل ہونے والی ویڈیو میں دیکھا جاسکتا ہے کہ اذبک دُلہن کو اس وقت شرمندگی کا سامنا کرنا پڑا جب اس نے اپنے شوہر کے ساتھ روایتی رسم میں اسے ہرا دیا، دلہے سے یہ بات برداشت نہ ہوسکی وہ اسے اپنی بے عزتی سمجھا اور وہیں دلہن کو تھپڑ رسید کردیا،شادی کی روایتی رسم کے تحت جوڑے کو اسٹیج پر کوئی چیز توڑ نے کے لیے دی گئی تھی اور دنوں اپنی کوشش میں مگر تھے۔

 اصول کے مطابق دلہا یا دلہن میں سے جو یہ کام پہلے کرتا ہے وہ فاتح ٹھہرتا اور اسے انعام دیا جاتا ہے، ہوا یوں کہ دُلہن یہ مقابلہ جیت گئی اور ساتھ کھڑا دولہا اپنی شکست برداشت نہ کرپایا، اس نے سب کے سامنے اس کے سر پر زوردار تھپڑ رسید کردیا۔

متداول من أوزباكستان لعروس وعريسها يقومون بعمل لعبة تقليدية صغيرة خلال زفافهم فضربها على رأسها بقوة لأنها فازت عليه مما تسبب لها بالألم والحرج.
pic.twitter.com/BotLXe1hgu

— إياد الحمود (@Eyaaaad) June 13, 2022

ویڈیو میں دیکھا جاسکتا ہے کہ تھپڑ کھانے کے بعد دلہن لڑکھڑا گئی اور اس نے اپنا عروسی لباس فرش سے اوپر کیا اور اپنے سر پر ہاتھ رکھتے ہوئے وہ شرمندہ سی دکھائی دی،ویڈیو میں یہ بھی دیکھا جاسکتا ہے کہ دلہا کی طرف سے ایسے رد عمل پر دلہن کو شدید صدما پہنچا، اس واقعے کے بعد دو دوسری خواتین نے اسے اسٹیج پر آکر سنبھالا،حیرت انگیز طور پر اپنے اس شرمناک فعل پر دلہے کو کوئی ندامت نہیں ہوئی اور وہ اسٹیج پرایسے کھڑا رہا جیسے کچھ ہوا ہی نہ ہو اور خاموشی سے سامنے دیکھتا رہا۔

یہ بھی پڑھیں:شادی کی چھٹی سالگرہ، انوشکا شرما اور ویرات کوہلی کی رومانوی تصاویر وائرل

خیال رہے کہ انٹرنیٹ صارفین کے مطابق یہ واقعہ دو سال پرانا ہے جو کہ ازبکستان میں پیش آیا تاہم یہ وہاں پیش آنے والا پہلا واقعہ نہیں۔ اس سے قبل ایک دولہے کی جانب سے اپنی دلہن پر حملہ کرتے ہوئے ویڈیو بھی سامنے آچکی ہے۔