کراچی: یومِ علیؓ کے مرکزی جلوس کے موقع پر سیکیورٹی انتظامات مکمل

( ویب ڈیسک ) کراچی پولیس نے 21 رمضان یومِ علیؓ سے متعلق سکیورٹی پلان تشکیل دے دیا ہے۔
کراچی پولیس چیف کے مطابق یوم علی کے مرکزی جلوس کیلئے فول پروف سیکیورٹی انتظامات کئے جائیں گے، شہر بھر میں سیکیورٹی کے لئے 5213 پولیس افسران و اہلکار تعینات ہوں گے جبکہ سیکیورٹی ڈیوٹی پر19 ایس ایس پیز،ایس پیز، 53 ڈی ایس پیز، 755 این جی اوز اور 4244 پولیس اہلکار تعینات ہوں گے۔

انہوں نے بتایا کہ جلوس کے روٹس، داخلی و خارجی راستوں اور واپسی کے راستوں پر خصوصی سیکیورٹی انتظامات کیئے جائیں گے، روٹ سیلنگ، اسنیپ چیکنگ، سی سی ٹی وی نگرانی اور بلند عمارتوں پر اسنائپرز تعینات کیے جائیں گے۔

 یہ بھی پڑھیں: ایرانی خواتین فٹبالرز کو آسٹریلیا میں رہنے کی اجازت

ایڈیشنل آئی جی کراچی کا کہنا تھا کہ تاہم کسی بھی ہنگامی صورتحال سے نمٹنے کیلئے کوئک رسپانس ٹیمیں الرٹ رہیں گی، اہم ہسپتالوں میں بھی پولیس نفری تعینات کر دی گئی ہے۔

کراچی پولیس چیف نے افسران کو جلوس کے دوران امن و امان برقرار رکھنے کی ہدایت کی ہے جبکہ شہری مشکوک سرگرمی کی فوری اطلاع مددگار 15 پر دیں۔