انڈر 19 ایشیاء کپ، اذان اویس کی سنچری، پاکستان نے روایتی حریف بھارت کو زیر کردیا

(24 نیوز) اذان اویس کے ناقابل شکست 105 رنز کی بدولت پاکستان نے ایشین کرکٹ کونسل انڈر 19 ایشیاء کپ میں روایتی حریف بھارت کو شکست دے دی۔

بھارت کیخلاف اپنے میچ میں پاکستان نے دو وکٹوں کے نقصان پر 260 رنز کا ہدف 47 اوورز میں حاصل کیا۔

سعد بیگ 51 گیندوں پر 68 رنز بنا کر ناٹ آؤٹ رہے اور پاکستان کو حریفوں کو شکست دینے میں مدد کی۔ اوپننگ بلے باز شاہ زیب خان نے 88 گیندوں پر 63 رنز بنائے۔

اس سے قبل، انڈیا انڈر 19 نے پہلے بیٹنگ کرتے ہوئے 50 اوورز میں 9 وکٹوں کے نقصان پر 259 رنز بنائے۔ محمد ذیشان نے 10 اوورز میں 46 رنز دے کر چار وکٹیں حاصل کیں۔

Clinical 8️⃣-wicket win against India U19 ????

Sensational batting by Azan Awais, Saad Baig and Shahzaib Khan as ???????? make it two wins in a row #PAKvIND | #PakistanFutureStars pic.twitter.com/eQK0OqlNzF

— Pakistan Cricket (@TheRealPCB) December 10, 2023

ایک روز قبل ہیڈ کوچ محمد یوسف نے گرین شرٹس کو مشورہ دیا تھا کہ وہ دبئی میں بھارت کیخلاف میچ کو معمول کے کھیل کے طور پر لیں۔

پاکستان انڈر 19 اور انڈیا انڈر 19 کے درمیان آخری میٹنگ میں قاسم اکرم کی قیادت میں ٹیم نے 2021ء میں آئی سی سی اکیڈمی گراؤنڈ نمبر 2 میں دو وکٹوں سے سنسنی خیز مقابلے جیتے۔

محمد شہزاد 238 رنز کے ہدف کے تعاقب میں 81 رنز بنانے پر اس مقابلے کے بہترین کھلاڑی قرار پائے۔