اینکر پرسن اقرار الحسن کے گھر پر نامعلوم افراد کی فائرنگ ،مقدمہ درج

(ویب ڈیسک) پنجاب کے دارالحکومت لاہور میں واقع ڈیفنس میں نجی ٹی وی کے اینکر پرسن اقرار الحسن کے گھر پر نامعلوم افراد نے فائرنگ کی ہے۔

 لاہور کے علاقے ڈیفنس سی میں اینکر پرسن اقرار الحسن کے گھر پر نامعلوم افراد نے چند منٹوں کے دوران وقفے وقفے سے دو بار ہوئی فائرنگ کی اور فرار ہوگئے۔واقعے کے بعد پولیس کی نفری موقع پر پہنچ گئی جس نے تصدیق کی کہ واقعے میں کوئی جانی نقصان یا زخمی نہیں ہوا۔

ضرورپڑھیں:مریم نواز نے وہ کام کردیا جو آج تک کسی نے نہیں کیا

 اقرار الحسن نے بتایا کہ دو روز قبل بھی  گھر کے باہر فائرنگ ہوئی تھی، واقعے کا مقدمہ درج کروانے کے لیے متعلقہ تھانے میں درخواست جمع کروادی ہے۔ پولیس نے اقرارالحسن کے گھر کے باہر ہوائی فائرنگ کا مقدمہ ان کے بھائی اسرار الحسن کی مدعیت میں درج کر لیا۔
پولیس کے مطابق اقرار الحسن کے گھر کے باہر سے نائن ایم ایم پستول کے خول ملے ہیں۔ ایس پی کینٹ اویس شفیق نے بتایا کہ واقعے کی تفتیش کی جارہی ہے اور اس سلسلے میں کلوز سرکٹ کیمروں کی مدد لی جارہی ہے۔