ریاض میں بارش کی پیشگوئی

(ویب ڈیسک)سعودی عرب کے نیشنل سینٹر فار میٹرولوجی نے ریاض میں بدھ کے روز سے جمعرات تک ہلکی سے درمیانی بارش کی پیشگوئی کی ہے۔

سعودی خبر رساں ادارے کی رپورٹ کے مطابق بارش ریاض شہر سمیت متعدد گورنریٹس کو متاثر کرے گی جن میں الدلم، المزاحمیہ، ضرما، مرات، القدیہ، ثادق، حریملہ، درعیہ، رمّاح، الرین، حوطہ بنی تمیم، الحریق، الخرج، الغاط، الزلفی، المجمعۃ اور شقراء شامل ہیں۔

رپورٹس کے مطابق سول ڈیفنس نے عوام سے اپیل کی ہے کہ وہ احتیاطی تدابیر اختیار کریں، سرکاری ہدایات پر عمل کریں، خطرناک مقامات سے دور رہیں۔

حکام نے دعا کی ہے کہ یہ بارش علاقے کے لیے باعثِ رحمت  ثابت ہو۔