برٹش ایئرویز کا گرمیوں کے بعد کرایوں میں اضافے کا عندیہ

(ویب ڈیسک )برٹش ایئرویز نے اشارہ دیا ہے کہ گرمیوں کے سیزن کے بعد فضائی ٹکٹوں کی قیمتوں میں اضافہ زیادہ ممکن ہے۔

کمپنی کے چیف ایگزیکٹو شان ڈوئل کے مطابق برٹش ایئرویز کا بزنس ماڈل زیادہ تر لانگ ہول، کارپوریٹ اور پریمیم مسافروں پر مشتمل ہے، جس کی وجہ سے کمپنی کے لیے قیمتوں میں اضافہ منتقل کرنا نسبتاً آسان ہوتا ہے۔

ان کا کہنا تھا کہ پریمیم اور کاروباری مسافروں کی موجودگی کے باعث برٹش ایئرویز کو دیگر صرف لیژر (تفریحی) مسافروں پر انحصار کرنے والی ایئرلائنز کے مقابلے میں کرایے بڑھانے کی زیادہ گنجائش حاصل ہے۔

 یہ بھی پڑھیں:خوفناک طوفان،بڑادرخت خاتون پر آ گرا،ویڈیو نے دل دہلا دئیے

شان ڈوئل نے مزید کہا کہ ابھی یہ واضح نہیں کہ گرمیوں کے دوران مارکیٹ اس تبدیلی کو کس طرح قبول کرے گی، لیکن امکان ہے کہ سیزن کے بعد کرایوں میں اضافہ دیکھا جائے گا۔