بلوچستان میں الیکشن کب ہوں گے؟ تاریخ  کا اعلان ہو گیا

(24نیوز)بلوچستان میں بلدیاتی انتخابات  کرانے کی تیاریاں جاری ہیں،صوبائی الیکشن کمیشن نے  بلوچستان کے 32 اضلاع میں بلدیاتی الیکشن 29 مئی کو کرانے کا اعلان کر دیا ۔

رپورٹس کے مطابق کوئٹہ اور لسبیلہ میں انتخابات کے شیڈول کا اعلان بعد میں کیا جائے گا۔صوبائی الیکشن کمشنر کا کہنا ہے کہ بلوچستان میں بلدیاتی انتخابات پرانے طریقے پر ہی ہوں گے۔

خیال رہے کہ گزشتہ ہفتے خیبرپختونخوا میں بلدیاتی انتخابات کے دوسرے مرحلے میں سوات، ایبٹ آباد، شمالی و جنوبی وزیرستان، مالاکنڈ، شانگلہ، چترال، کرم، دیر، مانسہرہ، بٹ گرام اور طورغر سمیت صوبے کے 18 اضلاع میں پولنگ ہوئی تھی۔

یہ بھی پڑھیں: موٹر سائیکلز کی قیمتوں میں بڑی تبدیلی