سابق بھارتی کرکٹر سریش رائنا کی فلموں میں انٹری

(24 نیوز)سابق  بھارتی کرکٹر سریش  رائنا  نے تامل سنیما  کی دنیا میں قدم  رکھ دیا۔ 

سابق کرکٹر نے ایکس کے اکاؤنٹ پر اپنی اداکاری کے کرئیر کے آغاز  کا اعلان کیا جس نے مداحوں کو حیران کردیا۔

بھارتی میڈیا رپورٹس کے مطابق نئے پروڈکشن ہاؤس ڈریم نائٹ سٹوریز  نے سریش رائنا کی پہلی فلم کا اعلان کرتے ہوئے ایک ویڈیو شیئر کی۔

 جسے عارضی طور پر پروڈکشن نمبر 1 کہا جارہا ہے یعنی ممکنہ طور پر کرکٹر کی فلم کا نام پروڈکشن نمبر 1 ہوگا۔

 اس پروجیکٹ کو گولین نے ڈائریکٹ کیا ہے، جو مان کراٹے، ریمو اور گیتھو جیسی ہٹ فلموں کے لیے جانے جاتے ہیں۔ 

Welcoming Chinna Thala @ImRaina ❤️ on board for #DKSProductionNo1! ️@Logan__you @Music_Santhosh @supremesundar @resulp @muthurajthangvl @sandeepkvijay_ @saravananskdks @TibosSolutions @kgfsportz #sureshraina #chinnathala #dreamknightstories pic.twitter.com/8FnkmNdIeY

— Dream Knight Stories Private Limited (@DKSoffl) July 4, 2025

 
فلم کے ٹیزر کو ایک عظیم الشان تقریب کے دوران لانچ کیا گیا جس میں تامل فلم انڈسٹری کے کئی معزز ناموں نے شرکت کی۔

پرومو میں ایک آدمی کو کرکٹ کے میدان میں  چہل قدمی کرتے ہوئے دکھایا گیا ہے۔

یہاں یہ بات بھی قابلِ ذکر ہے کہ انڈین پریمیئر لیگ (آئی پی ایل) میں چنئی سپر کنگز کے ساتھ طویل وابستگی کی وجہ سے سریش رائنا کے مداح انہیں پیار سے چننا تھالا کہتے ہیں۔

رپورٹس کے مطابق فی الحال فلم  کی ریلیز کی تاریخ کا علم نہیں ہے۔