کراچی میں منکی پاکس کا مشتبہ کیس سامنے آگیا

(ویب ڈیسک) کراچی میں منکی پاکس کا ایک مشتبہ کیس رپورٹ ہوا ہے،ہسپتال انتظامیہ کے مطابق متاثرہ بچہ حال ہی میں سعودی عرب سے واپس آیا تھا اور اس میں بیماری جیسی علامات ظاہر ہوئیں۔

ایم ایس سندھ انسٹیٹیوٹ آف انفیکشن ڈیزیزز اسپتال ڈاکٹر واحد راجپوت کے مطابق تیرہ سالہ بچے میں منکی پاکس سے مشابہ علامات پائی گئی ہیں،متاثرہ بچے کو فوری طور پر نیپا کے انسٹیٹیوٹ آف انفیکشن ڈیزیزز ہسپتال منتقل کر دیا گیا ہے، جہاں اسے آئسولیشن وارڈ میں رکھا گیا ہے۔

ڈاکٹر واحد راجپوت نے بتایا کہ بچے میں تیز بخار اور جسم پر زخم جیسی علامات ظاہر ہوئی ہیں،ہسپتال انتظامیہ کے مطابق بچے کے نمونے ڈاؤ یونیورسٹی کی لیبارٹری بھجوا دیے گئے ہیں  اور رپورٹ آنے کے بعد بیماری کی حتمی تصدیق کی جائے گی۔

یہ بھی پڑھیں :  حیدرآبادمیں گزشتہ 24گھنٹوں کے دوران ڈینگی نے 5 جانیں لے لیں