ماہانہ ایڈجسٹمنٹ میں اضافےکے بعد سہ ماہی ایڈجسٹمنٹ میں بجلی سستی 

(24نیوز)ماہانہ ایڈجسٹمنٹ میں اضافےکے بعد سہ ماہی ایڈجسٹمنٹ میں بجلی سستی  کردی گئی،نیپرا نےملک بھر کے لیے سہ ماہی ایڈجسٹمنٹ میں بجلی سستی کرنےکی منظوری دے دی۔

سہ ماہی ایڈجسٹمنٹ میں بجلی ایک روپے 99 پیسے فی یونٹ سستی کرنےکی منظوری دی گئی،نیپرا نےجنوری تا مارچ 2026 کی  سہ ماہی ایڈجسٹمنٹ کا فیصلہ وفاقی حکومت کو بھجوادیا ۔

نیپرا نے فیصلے میں کہا ہے کہ بجلی سستی کرنےکااطلاق جون سےاگست 2026 کے 3 ماہ کے لیے ہوگا،سہ ماہی ایڈجسٹمنٹ کا اطلاق کے الیکڑک صارفین پر بھی ہوگا،سہ ماہی ایڈجسٹمنٹ کاصارفین کو67 ارب17 کروڑ 30 لاکھ روپےکاریلیف ملے گا۔