ویڈیو :بھارتی کتے آپے سے باہرہوگئے،دہلی سٹیڈیم میں دو کوچز کو کاٹ لیا

(24 نیوز)نئی دہلی کے جواہر لال نہرو  سٹیڈیم میں کھیلوں کے بجائے آوارہ کتوں کا راج قائم ہوگیا ہے۔

ورلڈ پیرا ایتھلیٹکس چیمپئن شپ کے دوران ایک بار  پھر کتے کے حملوں نے انٹرنیشنل ایونٹ کی ساکھ پر سوالات اٹھا دیے۔

رپورٹس کے مطابق بھارت میں جاری ورلڈ پیرا ایتھلیٹکس چیمپئن شپ کے دوران  الگ الگ واقعات میں آوارہ کتوں نے 2 کو چز  پر حملہ کردیا۔

#LetsTalk | After a reported dog attack on two foreign athletes & coach earlier today, here's another spotting near the mixed zone of the World Para Athletics Championships at the Jawaharlal Nehru Stadium on Friday.

What's your opinion on the situation?#WPAC2025 pic.twitter.com/fLpzohKxys

— The Bridge (@the_bridge_in) October 3, 2025

کینیا کے کوچ ڈینیس موانزو اور  جاپان کے اسسٹنٹ کوچ میکو  اوتوماستو کتوں کے حملے اور کاٹنے سے زخمی ہوگئے جس سے منتظمین کو خاصی تنقید کا سامنا کرنا پڑا۔

بھارتی میڈیا کے مطابق یہ چیمپئن شپ کے آغاز  سے اب تک کتے کے حملوں کا پانچواں واقعہ ہے۔

مزید پڑھیں:سپنر ابرار احمد کل رشتہ ازدواج میں منسلک ہوں گے

اس سے قبل  ایک سکیورٹی گارڈ اور  2 بھارتی شہری بھی کتوں کے حملوں کا نشانہ بن چکے ہیں،سٹیڈیم میں کتوں کے  3 حملے صرف 30 منٹ کے اندر  ہوئے۔

 بھارتی میڈیا کے مطابق کتوں کے کاٹنے کی وجہ سے کینیا کے کوچ کی ٹانگ سے خون بہنے لگا تھا۔

کتوں کے حملے کے بعد دونوں کوچز کو قریبی ہسپتال منتقل کیا گیا جہاں انہیں  ابتدائی طبی امداد فراہم کی گئی۔

یاد رہے کہ ورلڈ پیرا ایتھلیٹکس چیمپئن شپ کے مقابلے دہلی کے جواہر لال نہرو  سٹیڈیم میں جاری ہیں۔